Xitayning xiyali amérikini asiya tewesidiki déngizlardin qoghlap chiqirishmu?

Amérika bilen xitay bir - birige qarimu ‏ - qarshi halda sériq déngizda we sherqiy déngizda élip bériwatqan herbiy meshiqler dawamlishiwatidu. Uchur wastiliri élan qilghan bu heqtiki melumatlardin qarighanda, hazir xitay bilen shimali koriyidin ibaret bir sep we amérika bilen jenubiy koriye, wéytnam, yaponiye qatarliq sherqiy jenubi asiyadiki bashqa döletlerdin ibaret yene bir sep otturisidiki riqabet, qarimu - qarshiliq barghanséri jidiy tüs almaqta.
Muxbirimiz weli
2010-08-19
Élxet
Pikir
Share
Print
2009 - Yili 11 - mart küni, amérikining ténch okyan qisimining USS John C. Stennis  Namliq awia matkisi koriyining busan portigha kirmekte.
2009 - Yili 11 - mart küni, amérikining ténch okyan qisimining USS John C. Stennis Namliq awia matkisi koriyining busan portigha kirmekte.
AFP Photo

Bash orgini nyuyorktiki 'wolt strt zhurnili'da 17‏ - awghust küni, amérika xitayning herbiy küchini ashuruwatqanliqigha qarita agahlandurush chiqarghanliqi heqqide tehlil élan qilghan idi. 18‏ - Awghust küni xitay 'yer shari waqit géziti'de bashmaqale élan qilip, amérikigha qarita qattiq teleppuz bilen hujum qildi. Bügünmu wolt strt zhurnili bu heqte yene bir tehlil élan qilghan idi, xitay shexsiylerning namida maqale élan qilip, amérikigha qattiq hujum qildi.

Amérikini asiyaning muqimliqini saqlawatqan zor küch dep kéliwatqan xitay hazir gépini özgertti

Amérika bilen xitay sériq déngizda we sherqiy déngizda élip bériwatqan herbiy meshiqler heqqide 'walit strt zhurnili' qatarliq uchur wastiliri yéqindin buyan élan qiliniwatqan maqalilerde éytilishiche, xitay buningdin burun amérikining asiyadiki herbiy ornini bu rayonning muqimliqini saqlawatqan bir zor küch dep étirap qilip kéliwatatti. Emma hazir xitayning pozitsiyisi tamamen özgerdi.

Xitay xelq'ara déngiz qanuni we rayon xaraktérlik kélishimlerge xilapliq halda amérika bilen qarshilashmaqta

Xitay, amérikining sherqiy jenubi asiyadiki bashqa döletler bilen birlikte sériq déngizda we sherqiy déngizda élip bériwatqan herbiy meshqlirige qarita ipadiligen iradisidin qarighanda, hazir jenubiy déngizni özining igilik hoquqi tewesige kirgüzüwalghan we öz - özige bergen bu 'hoquq' buyiche, sherqi déngizni we sériq déngizni özining 'dölet menpe'etining yadrosi' dep jakarlimaqta. Xitay rehberlirimu, yazma bayanatliri yaki aghzaki jakarlirida, xelq'arada ijra qiliniwatqan déngiz qanuni we bashqa rayon xaraktérlik kélishimlerge tamamen xilapliq qilip, amérika bilen ochuq qarshilishishqa bashlidi.

Xitay birer bahane tapsila, derhal teywen'ge hawadin hujum qozghashqa teyyar

'Walit strt zhurnili' qatarliq uchur wastiliri we xitayning uchur wastiliri yéqindin buyan élan qiliwatqan maqaliliridin melum bolushiche, xitay hazir amérikining sherqiy déngizda élip barghan pa'aliyetlirining hemmisini 'amérika xitayni muhasirige éliwatidu' dep töhmet qilip, amérikining yaponiye, teywen, filippin, hindonéziyilerning déngiz tewesige erkin kirip - chiqishini chekleshke urunuwatidu. Xitay bu meqset üchün, amérikining awi'amatkilirini chöktürüsh we sün'iy hemrah uchur séstimilirini pachaqlash üchün herxil bashqurulidighan bombilirini orunlashturuwatidu. Amérikidiki 'rand' shirkitining tetqiqatigha qarighanda, xitay hazir birer bahane tapalisila, derhal teywen'ge hawadin hujum qozghashqa teyyarliniwatidu.

Sériq déngizgha herqandaq döletning erkin kirip - chiqish hoquqi bar

'Walit strt zhurnili'da bügün élan qilin'ghan maqalide bayan qilinishiche, gerche xelq'ara déngiz qanuni buyiche sériq déngizgha herqandaq döletning erkin kirip - chiqish hoquqi bolsimu, emma xitay hazir sériq déngizni pütünley özining déngizigha aylanduruwélish üchün, amérikining washin'gton belgilik awi'amatkisini kirgüzmeslikke urunuwatidu. Xitayning bu herikiti xelq'ara qanun we kélishimlerge tamamen xilap.

Amérika bilen sherqiy jenubi asiya döletlirining xitayning kéngeymichilikini tosash iradisi barghanséri kücheymekte

'Walit strt zhurnili'da bügün élan qilin'ghan maqalide bayan qilinishiche, amérika xitaygha nisbeten éytqanda herbiy küch jehette nahayiti zor üstünlükke ige. Déngiz teweliki heqqidiki xelq'ara qanunlar hazir xelq'arada ijra qiliniwatqan ünümlük qanun. Sherqiy jenubi asiyada amérikining teywen qanuni we amérika - yaponiye ittipaqi qatarliq kélishmlerde belgilen'gen qanuni mejburiyiti bar.

Hazir amérika bilen sherqiy jenubi asiya döletlirining, xitayning kéngeymichilik we ighwagerchilik herikitini tosash iradisi barghanséri kücheymekte.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet