Ottura asiyada qoralliq toqunushlar xewpi mewjutmu?

Melumki, sowét ittipaqi gumran bolghandin kéyinla rusiye, xitay we a q sh özlirining musteqil ottura asiya jumhuriyetlirige bolghan siyasiy we iqtisadi tesir da'irisini barghanséri kücheytishke bashlidi.
Ixtiyariy muxbirimiz oyghan
2012-07-23
Élxet
Pikir
Share
Print
Ottura asiyaning xeritisi. 2009-Yili noyabir.
Ottura asiyaning xeritisi. 2009-Yili noyabir.
http://en.wikipedia.org

Bolupmu rusiye musteqil döletler hemkarliqi, shangxey hemkarliq teshkilati, kolléktipliq bixeterlik shertnamisi teshkilati arqiliq ottura asiyagha köprek tesir yetküzüsh mumkinchilikige ige boluwatmaqta. Shuni alahide tekitlesh kérekki, rusiye shundaqla özining herbiy menpe'etlirini saqlap qélishqimu ehmiyet bériwatqan bolup, bu jeryanda u özining tajikistandiki herbiy bazisi teqdirini hel qilish üstide heriket qilmaqta.

Analizchilarning tekitlishiche, kéyinki waqitlarda ottura asiyada diniy eksiyetchiler herikiti, shundaqla zeherlik chékimlik we qoral-yaraq eksiyetchiliki kücheygen bolup, bu öz nöwitide rusiyining bu rayondiki menpe'etlirige xewp tughdurmaqta. Rusiyining bezi resmiy wekilliri ottura asiyada hetta qoralliq toqunushlar xewpiningmu mewjut ikenlikini otturigha qoyghan idi. Rusiye quruqluq eskerliri bash qomandani wladimir chirkinning ottura asiyada shundaq ehwalning piship yétilgenliki heqqidiki bildürüshige qazaqistan analizchilirimu diqqet qilmaqta.

Radi'omiz ziyaritini qobul qilghan qazaqistan jumhuriyiti prézidénti yénidiki qazaqistan istratégiyilik tetqiqatlar institutining tashqi siyaset bölümining bashliqi bolat a'uyélbayéf öz qarashlirini otturigha qoydi.

Toluq bet