Хитай иқтисадиниң көпүккә айлиниш вақти кәлдиму?

Ихтиярий мухбиримиз еһсан
2014-12-25
Елхәт
Пикир
Share
Принт
Доктор әркин әкрәм доклат бәрмәктә. 2014-Йили декабир.
Доктор әркин әкрәм доклат бәрмәктә. 2014-Йили декабир.
RFA/Éhsan

Йеқинқи күнләрдики тор бәт хәвәрлиридә хәвәр қилишичә, хитай експортида уда 6 ай чекиниш көрүлгән болуп, хитайниң експорт вәзнидин қариғанда, хитайдики експорт карханилиридин 40% и тақилип қалған.

Перевот нисбити азлап, доллар қиммити ешип хитай пули қиммитиниң чүшүшигә сәвәб болған. Бундақ әһвалға қарита, хитайниң мәркизи банкиси қол тиқмиса, хитай пулиниң кәлгүсидә ешиши әсла мумкин әмәс һалға келип қалидикән.

Мана бу, хитайда өй баһасиниң чүшүшигә әгишип, хитай хәлқ пулини өлчәм қилған өй-мүлүк баһасиниң зор һәҗимдә төвәнләп, хитай пули қиммитиниң техиму төвәнләйдиғанлиқини көрситидикән. Хитай пулиниң зор һәҗимдә чүшүши өй -мүлүкчилик кәспигә мәбләғ селишниң әһмийити йоқлуқини испатлап беридикән. Иқтисади көпүк дәвридә, хитай һөкүмити амал қилип еһтияҗдин ешип кәткән мәһсулатни сетип чиқириши керәк икән.

Хитай һөкүмити өй-мүлүк кәспи омумйүзлүк ғулап чүшүштин бурун, барлиқ тәдбирләрни елишқа тиришиватқан болсиму, буниң амалини қилаламду -йоқ? буниңға һазирчә бир нәрсә дейиш тәс икән. Әгәрдә, хитай пули гумран болса, бу қетимлиқ йәр шари иқтисади кризисида бәрбат болған 2-пул болуп қалидикән. Бу өткәлдин хитай һөкүмити қечип қутулаламду? хитай иқтисади көпүккә айлиниш вақти йетип кәлдиму?

Биз бу тоғрисида тәпсилий мәлумат елиш үчүн, түркийә әнқәрә һаҗи тепә университети тарих оқутқучиси һәмдә истратегийә мутәхәссиси доктор әркин әкрәмни зиярәт қилдуқ.

Тәпсилатини юқиридики аваз улинишидин аңлиғайсиз.

Пикирләр (0)
Share
Толуқ бәт