Xitayning 'aq tashliq kitabi' we xitay milletchiliki

Yéqindin béri qiziq, qiziq hadisiler otturigha chiqishqa bashlidi. Xitay dölet ishliri mehkimisning axbarat ishxanisi 2009‏ - yili 9‏ - ayning 21 - küni "shinjangning tereqqiyati we ilgirlishi" mawzuluq "aq tashliq" kitab élan qilip olimpik murasimi mezgilide, Uyghurlarning térrorizmliq heriketler bilen qandaq shughullan'ghanliqini tilgha élip ötti.
Obzorchimiz sidiq haji rozi
2009-09-29
Élxet
Pikir
Share
Print

Ürümchi " 5‏ - iyul namayishi" ni döletning ichi we téshidiki térroristlar teshkillidi, dédi. Bu ishning qiziqi shu yerdiki "aq tashliq kitab" re'is xujintaw niyuyork shehirige yétip kelgende élan qilindi.

Ürümchide namayishqa chiqqan Uyghurning oghul - qizliri ezeldin qoligha élip baqmighan" xitayning qizil bayriqini bu qétim kötürüp chiqip, namayish qilghanda, namayishni tinch yol bilen bashliduq yene tinch yol bilen axirlashturimiz, deydighan yaxshi niyettin bisharet bergen . Kim, kimge térroristliq qildi, kim, kimge zorawanliq qildi? axirqi hésabta xelqi alemge ayan boldighu? shübhisizki, xitay saqchiliri, eskerliri Uyghur namayishchilargha zorawanliq qilip oq chiqardi. " Aq tashliq kitabta Uyghur térroristliri ottura asiya, jenubi asiya qatarliq jaylarda xelq'ara térroristlar herikitige mexpiy qatniship, dölitimizning muqimliqigha tehdit peyda qildi", déyilgen sözge kelsek, bu rayonlarda térrorchiliq pa'aliyiti bilen shughulliniwatqan taliban qatarliq térroristlarni herbiy qoral - yaraq bilen teminligen qaysi dölet bolup chiqti, xitay xelq jumhuriyiti bolup chiqtighu ?

2009‏ - Yili 9 - ayning27‏ - küni xitay dölet mehkimisining axbarat ishxanisi yene bir qétim "xitayning milli siyasiti, her qaysi milletlerning ortaq güllinishi we tereqqiyati" mawzuluq aq tashliq kitab élan qildi. Kitabta: xitay hökümiti qanunni, iqtisadi, memuri wasitilerni ishlitip, tarixtin qélip qalghan milli kemsitish, milli ayrimichiliqni tügitip ... Dölet chong xenzuchiliqqa qarshi turdi ... Hem yerlik milletchilikke qarshi turdi, dep, körsitildi.

"Tarixtin qélip qalghan milli kemsitish" dégen néme gep, u? 1944‏ - yilidin 1949‏ - yilighiche, qorallinip mustemlikichilikke qarshi urush arqiliq dölet qurup, jungxu'a xelq jumhuriyitidin 5 yil burun qurulghan Uyghur dölitige xojayin bolghan Uyghurni kim kemsiteleydiken, shu chaghda?

60 Yil ötüp ketti. Bir tereptin aldash yene bir tereptin basturush, bir tereptin mustemlike Uyghuristan'gha köchmen köchürüsh, xitayning mahiyetlik milli siyasiti bolup keldi. Buningdin bashqa yene qandaq milli siyasiti bar iken xitayning?

Kechürüm teshkilati awwalqi bir nechche yilda, 200 din artuq Uyghur siyasi mehbusqa ölüm jazasi ijra qildi dep, doklat élan qildi. Bularning hemmisi Uyghurning mustemlike sharayitida yétiship chiqqan yash Uyghur milletchiliri idi. Undaqta,xitay hökümiti qaysi milletning milletchilikige qarshi turup, yene qaysi milletning milletchilikige qarshi turmidi? hazirghiche 60 yil ötüp ketti, xitay hökümiti chong xitay milletchilikige qarshi turup baqqanmu, bir xitayni milletchi dep, türmige solap baqqanmu, milletchi dep bir xitaygha ölüm jazasi bérip baqqanmu? hey, xitay hökümiti tebi'itingde yalghanchiliqtin bashqa yene bir xususiyet barmidu?

Adette xitay milletchiliki qandaq ipadilinip keldi? iqtisad, pul - mu'amile saheside, ma'arip - medeniyet saheside, herbiy ishlar sahesi we qoralliq saqchi qisimlirini ishlitish saheside, awi'atisiye ma'aripi saheside milletchilik özini körsitip keldi. Kimning, qaysi milletning milletchiliki? elwette xitayning milletchiliki bolmamdu. Bu sahelerde Uyghurlar ishlimise yaki Uyghurlarning hoquqi bolmisa !

Toluq bet