Реаллиқ вә қияс

"Мер тор бити"дә елан қилинған" авиаматка йитип кәлди, җуңгониң гөри қезилди" мавзулуқ мақалә, 2010-йили 12-айниң 28- күни "вәнвий тор бити"гә чапланди.
Обзорчимиз сидиқ һаҗи рози
2010-12-31
Елхәт
Пикир
Share
Принт

Реаллиқта йүз бәргән вәқә һадисиләрниң нәтиҗисини, кәлгүси тәрәққиятини икки хил еһтималлиқ билән қияс қилишқа, пәрәз қилишқа болиду. Мәсилән, корийә деңизи, җәнуби деңиз, сериқ деңиз, япон деңизида елип бериливатқан һәрбий маневириниң нәтиҗисини вә кәлгүсини қияс қилишқа болиду, төвәндә тонуштуридиған мақалә әнә шундақ қияс билән йезилған.

"...Чавшйән қан һидини пурап қалди...! Бошап кәтти, америка вә корийини издәп үч тәрәп сөһбити өткүзмәкчи болди. Бирақ, америкиниң рәт қилишиға учриди" дәп башланди мақалидә.

Вашингтон "намлиқ, "карвинсин "намлиқ, "реган" намлиқ уч йүрүшлүк авиаматка шәрқий шимали асия деңиз йүзигә йитип кәлди.

Келәр йили ялуҗяң дәрясиға баһар йитип кәлгәндә, иштин аввал җуңгоға уқтуруп қоюп, явуз дөләт чавшәнгә һуҗум қилиши мумкин. Униңдин кейин чавшәнни бир ай бомбардиман қилиши мумкин. Чавшйән параллич болуп, чавшәнни югославийигә охшаш тәслим қилип. Ким җуң юңни, милошивични тәхтин чүшүргәндәк, тәхтин чүшүриду " дейилди мақалидә.

 "Бу арилиқта америкиниң бир әскириму чавшәнгә кирмәйду, 60 йил бурунқидәк җуңгоға, америкиға қарши туруп чавшәнгә ярдәм қилидиған пурсәтму яритип бәрмәйду. Мубада җуңго, японийә, корийидә қурулған америкиниң һәрбий базилириға һуҗум қилидиған болса, америка дәрһал җуңгони пүтүн әтраптин қоршавға алиду. Америка төт тәрәптин, җүмлидин афғанистан, җәнубий корийә, японийә, тәйвән тәрәпләрдин җуңгоға әскәр чиқириши мумкин. Ташқи моңғулийә болса, ички моңғулийини ишғал қилиду. Русийә федератсийиси шинҗаң вә шәрқи-шималға әскәр чиқириду" дәп көрситилди мақалидә.

"Бу вақитқа йәткәндә җуңго, йәттә бөләккә, һәтта тоққуз бөләккә парчилинип, җаһангир дөләтләргә мунқәрз болған қул дөләткә айлинип қалиду" дәп көрситилди мақалидә.

1- Америка японийини җуңгониң деңиз бойлирида синақ қилип беқишқа көндүрди. 2- "Вашингтон" намлиқ авиаматка сериқ деңизға кирди. Җуңго муавин вәзир дәй биңгони җәнубий корийигә әвәтти... 3 -Америка, японийә икки дөләт тарихта мисли көрүлмигән дәриҗидә бирләшмә һәрбий маневир өткүзди. Җуңго ғидиң- пидиң қилалмиди. 4- японийә парламентниң икки нәпәр әзаси сәнкако арилиға чиқти, җуңго немә қилалиди? җуңго уруштин қорқидикән, америка вә ғәрб дуняси билән уруш қелиштин қорқидикән дегән хуласә чиқирилди.

"Һәрикәт йолға қоюлди. Америкиниң үч йүрүшлүк авиаматкиси шәрқий шимали асия деңиз йүзигә кирип кәлди. ялуҗяң дәрясиға баһар йитип кәлгәндә һуҗум қилип чавшйән мәсилисини үзүл-кесил һәл қилиши мумкин "дәп көрситилди мақалидә.

"Әгәр җуңго 60йил бурунқидәк, америкиға қарши туруп чавшәнгә ярдәм беридиған болса, америка қандақ сиясәт бәлгиләйду?

Җуңгониң мәсилисиниму чавшйән билән бирликтә һәл қилиду. Чүнки, җуңгони худди сабиқ советләрни парчилиғандәк йәттә бөләк яки тоққуз бөләккә парчилайдиған шәрт -шараит аллиқачан пишип йетилди. Орунлаштуруш тәйярлиқиму аллиқачан пүтүп болди" дейилди > мақалидә.

Америка йәтмәкчи болған нишан:

(1) Негизлик нишан- ирақни уруш билән алғандәк, чавшәнни уруш билән елиш.

(2) Мумкин болған нишан-чавшәнни елиш. Охшашла бир вақитта җуңгони парчилаш.

Мақалиниң ахирида мундақ көрситилди: америка пүтүн күч билән ечиветиш, демократийә дегәнләрдин пайдилинип, җуңгониң иқтисади җан томурини тизгинлимәкчи болди. Сабиқ советләргә қолланған усулни қоллинип, 20 йил вақит сәрп қилип, җуңгони қуруқдап қоюп, арқидин бир күчәпла җуңгода өй-имарәт тиҗаритини көпүкләштүрүп, җуңгода мал баһасини өрлитип, 2011-йили җуңгони пүтүнләй давалғуш ичигә елип кирип, 2012-йили җуңгони парчилашни ишқа ашуруш" дәп көрситилди мақалидә.

"Тәсәввур қилишқа җүрәт қилғили болмайдиған ақивәт...

...Җуңгониң иқтисади америкиниң иқтисадиға бағливетилди... Хитай җасуслири, чәтәлгә қачқучи әмәлдарлар, ялиңач" әхлақ"лиқ ю қири қатламдики әмәлдарлар ниң түркүмләп америкиға көчмән болуп кетиши... Америкиниң пүтүн җуңгони пачиқиға бағливелиши...  Җуңгоға бир терлюн долларға йеқин зайом сетиши...Авиаматкиниң сериқ деңизға кириши...Бундақ әһвалда җуңго, дәй биңгони йерим кечидә ойғитип җәнубий корийигә әвәтмисә боламду?

Шундақ әһвалда, америка үч йүрүшлүк авиаматкини һәйдәп чаңҗяң дәрясиға кирип кәлсиму, җуңго бир пай оқ аталмайду...

Қариғанда, америкиниң чавшйән мәсилисини һәл қилиш ирадиси һәргиз өзгәрмәйду. Америка охшашла вақитта қолини бошитип җуңгони парчилайду. Җуңго һазир татлиқ уйқуда ухлаватиду, көрүп туруп көрмәсликкә селиватиду, явропа, америка җаһангирлики аллиқачан җуңгониң гөрини колап болди. Ойғинайли җуңголуқ "дейилди мақалидә.

Пеқир обзорчи немә дәйду, худа саңа дегүзгәндәк болар. Бир варақ қәғәз, бир тал қәләм билән уйғурниң кишилик һоқуқ дәрдини дуняға сөзләп кәлдуқ. Әмди иш сениң дегиниңдәк болар дәйду, пеқир обзорчи. Мәдәт бәр аллаһ,дуняниң қудрәтлик күчи америкиға, мәдәт бәр аллаһ!!! кона йилни узаттуқ, йеңи йил кирип кәлди, 61 йил өтүп кәтти, зулум -ситәмдин башқа, хитай мустәмликичилириниң зораванлиқидин башқа, уйғур хәлқи, шуниңдин башқа һәр қандақ ховлуқ көрмиди. Америкиға мәдәт бәр аллаһ!!!

Пикирләр (0)
Share
Толуқ бәт