Балиңиз мәктәп босуғисидин атлашқа тәйярму?

Йеңи оқуш мәвсуми башланди. Һөрмәтлик ата болғучи, балиңиз мәктәп босуғисидин атлашқа, йеңи бир муһитқа көнүшкә тәйярму? мәктәпкә бериш алдида балиңизда қандақ өзгиришләрниң болуватқанлиқи, балиңизниң немиләрни ойлап немиләрдин қорқуватқанлиқи вә немигә иккилиниватқанлиқини биләмсиз? сизчу? бу мәсилиләрни қандақ һәл қилишниң чарисини таптиңизму?
Мухбиримиз гүлчеһрә
2010-08-31
Елхәт
Пикир
Share
Принт

Кишилик һаятниң һәммә басқучлирида башлиниш нуқтиси болиду, мәктәпкә кириш балиларниң һаятидики муһим йеңи башлиниш нуқтиси, сентәбир балилар үчүн йеңи оқуш мәвсуми башлинидиған шундақ бир муһим мәзгил. Оқушниң нәтиҗилик болуши униң оңушлуқ башлиниши билән мунасивәтлик.

Бүгүн уйғур елидики мәктәпләрләрдә йеңи оқуш башлиди, кәлгүсиниң үмидлири болған сәбий омақ балилар, чирайлиқ йеңи боғчилириға, яхши көридиған китаб ‏- оюнчуқлирини, бадам, яңақлирини, гүзәл арзулирини, рәңгарәң чүшлирини, ата, аниларниң үмидлирини толдуруп сәкришип мәктәпкә меңишти.

Әмма бу күн, Мәктәпкә баридиған һәммила бала Үчүн ундақ һаяҗанлиқ, хушаллиқ күн болуши натайин. Шундақла һәммила балиниң календар бойичила бу күнгә тәйяр болуши мумкин әмәс. Чүнки, статистикилиқ тәтқиқатларға асасланғанда, йеңи бир муһит, шундақла ухлаш, ойнаш, тамақлинишқа охшаш күндилик турмуш адәтлириниң қайтидин программилинишиға нурғун балилар писхика җәһәттин тәйярлинип болалмайду.

Болупму, йеңи мәктәп, ят муһит, ят тил муһити йеңи оқуш башлиған балиларға нурғун әндишә, иккилиниш, чүшкүнлишиш һәтта униңдинму зор писхикилиқ тосалғуларни елип келиши мумкин.

Ата, анилар үчүнму балилирини мәктәпкә бериш, йеңичә һаятниң башлиниши, чүнки балиларни мәктәпкә кечиктүрмәй апириш ‏- әкилишму нормал турмуш ретимигә бәлгилик җиддийлик елип келиду. Йәни йеңи оқуш мәвсумини балиңизниң хушал, хатирҗәм, сағлам башлиши, сизниңму хатирҗәмликиңиз шундақла аилиңизниң хатирҗәмлики. Ундақта балилар оқуш башлаштин бурун уларни қандақ тәйяр қилиш керәк? балиларниң барлиқ писхика тосалғуларни йеңип, йеңи оқуш мәвсумини күтүвелишиға қандақ ярдәм бериш керәк ?

Барлиқ яш ата, аниларниң бешини ағритиватқан бу мәсилиләргә қарита америка маарипида ата, аниларға мундақ мәслиһәтләр бериду.

"Йеңи оқуш мәвсумини оңушлуқ башлашниң ачқучи - алдин тәйярлиқ көрүш. Йәни маддий җәһәттин оқушқа керәклик материяллар, кийим‏ - кечәк, керәклик буюмларни елип тәйярлаш, балиниң дәрс тәйярлишиға аилидә мувапиқ муһит яритиш, писхика җәһәттин бала билән йеңи оқуш башлаш мәвсуми йеңи мәктәп муһитиға маслишиш һәққидә сөһбәтлишиш, мәдәт бериш, йеңи дост, йеңи савақдашлар билән тонушушқа риғбәтләндүрүш, йеңи оқуш мәвсүмигә мас вақит адити, турмуш адити йетилдүрүшкә йетәкләш, мәктәп муһити, оқутқучи билән алдин тонушуш."

Ундақта, алдин һазирлайдиған бу шәртләрни күндилик турмушта өз балиңизниң турмуш һәм вақит адитигә қандақ тәдбиқлаш керәк? һәр бир ата, аниниң пәрзәнтини мәктәпкә, йеңи оқуш мәвсүмигә тәйярлашта мәхпий ретсипи болиду. Америкида яшаватқан яш ана айнур ханим өз балилирини мәктәпкә қандақ тәйяр қилғанлиқини сөзләп бәрди.

Айнур ханимниң тәҗрибилириниң, сизниңму пәрзәнтиңизни йеңи қош мәвсүмигә тәйяр қилишқа пайдилиқ мәслиһәт болушиға ишинимән. Ундақта, программимиз ахирида йеңи оқуш башлиған барлиқ балиларни мубарәкләймиз һәмдә бу йеңи мәктәп һаятиниң хошаллиқ, нәтиҗилик, көңүлдикидәк болушиға тиләкдашмиз.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт