Рабийә қадир ханимниң шивет тилидики китабиниң тарқитилиш мурасими өткүзүлди

Рабийә қадир ханим шветсийә зияритиниң иккинчи күни шветсийә парламентида парламент әзалири билән учришиш елип барди вә парламент әзалири билән чүшлүк ғизада биргә болди. Әмма, учришиш йепиқ һаләттә елип берилғанлиқи үчүн сөһбәт мәзмуни һәққидә мәлумат берилмиди.
Мухбиримиз йалқун
2010-10-08
Елхәт
Пикир
Share
Принт
Сүрәттә, рабийә қадир ханим аналийә енаксон ханимға уйғур әтлисидә ишләнгән йағлиқ тәқдим қилмақта.
Сүрәттә, рабийә қадир ханим аналийә енаксон ханимға уйғур әтлисидә ишләнгән йағлиқ тәқдим қилмақта.
RFA Photo / Yalqun

Рабийә қадир ханимни парламентта учришишқа орунлаштурған аналийә енаксон ханимниң билдүрүшичә, рабийә қадир ханимниң бу қетимқи шветсийә зияритиниң шветсийидә сайлам ахирлишип йеңи һөкүмәт тәшкилләнгән тунҗи күнигә тоғра кәлгәнлики уйғур мәсилисиниң шветсийә парламентида йеңи үмидләргә еришидиғанлиқиниң бишарити икән. У радио долқунлири арқилиқ сайлам мәзгилидә өзигә ярдәмдә болған уйғур қериндашлириға вә уйғур хәлқигә чин йүрәктин рәһмәт ейтидиғанлиқини билдүрди.

Кәчтә "нарин" нәшриятиниң орунлаштуруши буйичә китабниң тарқитилиш мурасими болуп өтти. Мурасимға һәр саһә кишилиридин болуп 200 дин артуқ киши қатнашти. Мурасим шиветчә вә уйғурчә нахша - музикилар , тәсирлик нутуқлар вә қизғин чаваклар билән давамлашти.
Сүрәттә, рабийә қадир ханимниң шивет тилидики китабиниң тарқитилиш мурасимиға тәййарланған нусхилардин көрүнүш.
Сүрәттә, рабийә қадир ханимниң шивет тилидики китабиниң тарқитилиш мурасимиға тәййарланған нусхилардин көрүнүш. RFA Photo / Yalqun

Мурасим риясәтчиси уйғур - шивет мунасивитиниң тарихини әскә елип мундақ дәйду: " уйғурлар билән шиветларниң тарихта наһайити чуңқур достлуқ мунасивәтлири болған. Севин һедин, гуннар ярриңларниң шәрқи түркистандики зиярәтлири, шивет миссйонерлириниң қәшқәр, йәркән, йеңисарлардики дохтурхана вә мәктәплири, уйғурлар билән шиветлар арисида достлуқ көврүкини салған иди. Аридин нурғун йиллар өткән болсиму, бу достлуқ зәнҗири техи үзүлүп қалғини йоқ."

Мурасимниң езиз меһмини сүпитидә тәклип қилинған рабийә қадир ханим тарихтики уйғурлар билән шиветларниң достлуқини әскә елиш билән биргә, уйғурлар һәққидә мәлумат бәрди вә өзиниң қизиқарлиқ һаят сәргүзәштилири арқилиқ мурасим әһлини һаяҗанға салди.
 
Мурасим ахирида рабийә қадир ханим китабини сетивалғучиларға имза қоюп бәрди.

Китабни нәшр қилишқа мәсул болған нарин нәшриятиниң башлиқи лаш әпәндиниң билдүрүшичә, - 8 өктәбирдин башлап бу китаб 48 китабханиға бирла вақитта селинидикән.

Шветсийә радиосиниң нобил мукапати һәққидики муназирә программилиридин мәлум болушичә, рабийә қадир ханим бу йилқи нобил тинчлиқ мукапати намзатлири ичидә 10 ниң ичигә киргән болуп, нурғун шивет радио аңлиғучилар, рабийә қадир ханимни бу мукапатни елишқа әң мувапиқ намзат дәп қарайдикән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)
Share
Толуқ бәт