Ilim-penning yaratquchini ispatlashtiki roli

Ilim-penning allaning barliqini ispatlaydighanliqini alimlar we peylasoplar sözlimekte.
Ixtiyariy muxbirimiz ömerjan
2012-08-22
Élxet
Pikir
Share
Print
Qur'an musabiqisida netijige érishkenler kishiler
Qur'an musabiqisida netijige érishkenler kishiler
Photo: RFA

Qur'an kerimidimu: "Asmanlarni we zéminni yaratqan, silerge buluttin yamghur yaghdurup bergen, uning bilen baghlarni yétishtürüp bergen kim? u baghlarning derexlirini östürüsh silerning qolunglardin kelmeydu. Allahdin bashqa ilah barmu?" dégen ayet bar.

Mutepekkur alim abdulmejid zendani "Tewhid" namliq esiride mundaq dep yazidu:
"Ilim pen bizge bir derexning xususiyetlirini chüshendürüp, uning tupraqtiki ozuqlirini qandaq alidighanliqini, bu ozuqlarni yopurmaqlirighiche qandaq yetküzidighanliqini, méwilerning qandaq meydan'gha kélidighanliqini we uningdiki tem, reng, shekilning qandaq yosunda peyda bolidighanliqini sherhlimekte we bularning hemmisining mukemmel qanuniyet we nizam sistéma astida emelge ashidighanliqini élan qilmaqta. Ilim pen yene bizge, bir janliqning ich qurulushini körsitish arqiliq eqlimizni achmaqta. Bi'ologiye alimliri 'her bir janliqning öz aldigha ajayip mukemmel birerdin fabrika ikenlikini körduq' deydu. Ademni chaqidighan zeherlik here shérin we shipaliq hesel béridu. Yipek quruti rext toquydu. Qolsiz ömüchük tor toquydu. Tilsiz qoy süt béridu. Mundin bashqa yene ilim pen bizge shuni ispatlidiki, addiy bir saman bilen sudin terkib tapqan heleptin süt ishlep chiqirish eqil idraksiz qoyning yaki kalining ishi emes, belki qoy kala, here, ömüchük, yipek quruti we bashqa janliqlar ressamning purshisigha, aptorning qelimige, yaghachchining rendisi bilen herisige we déhqanning ketminige oxshash birerdin saymanlardur. Emma wujudqa chiqirish ishining igisi shübhisizki, pütün ka'inatning ijadkari bolghan allahtur!"

Mezkur eserde yene mundaq dep yézilghan:
"Astronomiye ilmining wasitisi bilen dunyaning hawa boshluqidiki ehwali bilindi. Biz yashawatqan bu yershari quyashning etrapini aylinip nahayiti tézlikte uchuwatqan bir seyyare yultuzi ikenlikini bilduq. Qanatsiz, matorsiz, plotsiz we awazsiz uchuwatqan bu yershari seyyarisining üstidiki yoluchilar rahet we xatirjemlik ichide sayahet qiliwatmaqta. Yershari bir tereptin öz oqida aylinishni dawam qilsa, yene bir tereptin quyashning etrapida tézlikte uchushini dawam qildurmaqta. Emma ichidiki yoluchilarning köpinchisi, özlirining uchuwatqanliqinimu bilmeydu. Kéchiler, kündüzler we mewsumlar bu ikki aylinishning netijisidur. Yershari quyashqa hazirqi musapisidin azraq yéqinlashsa köyüp halak bolimiz, uzaqlashsimu muzlap halak bolimiz. Quyashning etrapida üzüwatqan yer sharila emes, belki bashqa seyyarilermu bardur. Bu seyyarilerning bir biri bilen uchriship qélishi mumkin emes, belki her bir seyyare özining belgilen'gen mexsus oqida seyr qilidu, belgilen'gen waqittin kéchikipmu qalmaydu. Bu sistéma qanchilighan milyon yillardin béri héchbir buzulmastin, bir xil dawam qilip kelmekte. Bundaq inchike nizamni we qanuniyetni kim békitti? buzulmighan wijdan we sap eqil igisi bolghan her qandaq adem shundaq jakarlayduki, bu so'allarning jawabi 'allah' dur"!

Toluq bet