Малайсияда тутулған 11 нәпәр уйғурниң соти 5-июл күнигә кечиктүрүлгән

Мухбиримиз ирадә
2018-05-31
Елхәт
Пикир
Share
Принт

Малайсияда чиқидиған «бернама» гезитиниң хәвәр қилишичә, өткән йили тайланд түрмисидин қачқан вә бу йил февралда малайсияда тутулған 11 нәпәр уйғурниң соти 5-июл күнигә кечиктүрүлгән. Уларниң соти бундин илгириму бир қетим тәрҗиман болмиғанлиқи сәвәбидин кечиктүрүлгән иди.

Мәзкур 11 нәпәр уйғур 4 йилниң алдида тайландта тутулуп қалған уйғур мусапирларниң бир қисми иди. Әйни вақитта тайландта тутулуп қелип өзлириниң түркийә вәтәндиши икәнликини илгири сүргән 200 чә уйғурниң бир қисми 2015‏-йили хитайға мәҗбурий қайтуруп кетилгән, йәнә бир қисми түркийәгә йөткәлгән иди. Тайландта қәп қалғанлиридин 20 нәпири өткән йилниң ахири түрмә темини тешип вә йотқан-әдяллирини арқан қилип түрмидин қачқан. Улар малайсия чеграси ичигә киргәндин кейин малайсия сақчилири тәрипидин тутқун қилинған. Улар нөвәттә малайсия чеграсидин қанунсиз кириш җинайити билән әйибләнмәктә.

Мәлум болушичә, хитай даирилири малайсиядин 11 нәпәр уйғурни қайтуруп беришни көп қетим тәләп қилған. Әмма америка қатарлиқ бир қисим ғәрб дөләтлири малайсия һөкүмитини бу уйғурларни хитайға қайтурмаслиққа чақирған. Һалбуки, малайсия даирилири бу һәқтә билдүргән бир ипадисидә «мәзкур уйғур тутқунларни хитайға қайтуруш яки қайтурмаслиқ малайсияниң ихтияридики бир иш» дегән.

«Бернама» гезитиниң хәвиридә малайсияда тутулуп қалған осман аббас, алим осман қатарлиқ қатарлиқ 11 нәпәр уйғур яшлириниң 20 яш билән 40 яш арилиқида икәнлики қәйт қилинған.

Пикирләр (0)
Share
Толуқ бәт