Malaysiyada tutulghan 11 neper Uyghurning soti 5-iyul künige kéchiktürülgen

Muxbirimiz irade
2018-05-31
Élxet
Pikir
Share
Print

Malaysiyada chiqidighan "Bérnama" gézitining xewer qilishiche, ötken yili tayland türmisidin qachqan we bu yil féwralda malaysiyada tutulghan 11 neper Uyghurning soti 5-iyul künige kéchiktürülgen. Ularning soti bundin ilgirimu bir qétim terjiman bolmighanliqi sewebidin kéchiktürülgen idi.

Mezkur 11 neper Uyghur 4 yilning aldida taylandta tutulup qalghan Uyghur musapirlarning bir qismi idi. Eyni waqitta taylandta tutulup qélip özlirining türkiye wetendishi ikenlikini ilgiri sürgen 200 che Uyghurning bir qismi 2015‏-yili xitaygha mejburiy qayturup kétilgen, yene bir qismi türkiyege yötkelgen idi. Taylandta qep qalghanliridin 20 nepiri ötken yilning axiri türme témini téship we yotqan-edyallirini arqan qilip türmidin qachqan. Ular malaysiya chégrasi ichige kirgendin kéyin malaysiya saqchiliri teripidin tutqun qilin'ghan. Ular nöwette malaysiya chégrasidin qanunsiz kirish jinayiti bilen eyiblenmekte.

Melum bolushiche, xitay da'iriliri malaysiyadin 11 neper Uyghurni qayturup bérishni köp qétim telep qilghan. Emma amérika qatarliq bir qisim gherb döletliri malaysiya hökümitini bu Uyghurlarni xitaygha qayturmasliqqa chaqirghan. Halbuki, malaysiya da'iriliri bu heqte bildürgen bir ipadiside "Mezkur Uyghur tutqunlarni xitaygha qayturush yaki qayturmasliq malaysiyaning ixtiyaridiki bir ish" dégen.

"Bérnama" gézitining xewiride malaysiyada tutulup qalghan osman abbas, alim osman qatarliq qatarliq 11 neper Uyghur yashlirining 20 yash bilen 40 yash ariliqida ikenliki qeyt qilin'ghan.

Toluq bet