Хәлқара кәчүрүм тәшкилати 4 нәпәр хитай сиясий тутқунниң қоюп берилиши үчүн чақириқнамә елан қилди

Мухбиримиз шөһрәт һошур
2017-05-17
Елхәт
Пикир
Share
Принт

Хәлқара кәчүрүм тәшкилати бүгүн бир баянат елан қилип, хитайниң чеңду қамақханисида тутуп турулуватқан 4 нәпәр хитай сиясий тутқунниң қоюп берилишини тәләп қилди вә һәрқайси аммиви тәшкилат вә кишилик һоқуқ паалийәтчилирини бу һәқтә хитайниң чеңду соти, чеңду қамақханиси вә хитай дөләт рәһбәрлиригә хәт йезишқа чақирди.

Чақириқнамидә баян қилинишичә, фу хәйлу вә чен биң қатарлиқ 4 нәпәр сиясий өктичи 2016-йили «4-июн хатириси» намлиқ бир һарақ ботулка маркисини лайиһилигән; маркиға «27 йил дөмләнгән, сетилмайду» дәп хәт йезилған. Бу маркилиқ һарақ 5-айниң 26-күни тор арқилиқ базарға селинған. Елан көплигән кишиләрниң диққитини тартқан. Даириләр икки күндин кейин маркини лайиһилигүчи вә һәмкарлашқучи 4 кишини тутқун қилған вә бу йил 24-март күни дөләт һакимийитини ағдуруш билән әйибләп рәсмий қолға алған.

Хәлқара кәчүрүм тәшкилати баянатида, мәзкур 4 паалийәтчиниң қилмишиниң һечқандақ бир җинайәткә ятмайдиғанлиқини, пәқәт өз пикрини баян қилиштин ибарәт әқәллий инсаний һәққини қолланғанлиқини оттуриға қойған һәмдә буларниң дәрһал вә шәртсиз қоюп берилиши керәкликини тәкитлигән.

Пикирләр (0)
Share
Толуқ бәт