Xelq'ara kechürüm teshkilati 4 neper xitay siyasiy tutqunning qoyup bérilishi üchün chaqiriqname élan qildi

Muxbirimiz shöhret hoshur
2017-05-17
Élxet
Pikir
Share
Print

Xelq'ara kechürüm teshkilati bügün bir bayanat élan qilip, xitayning chéngdu qamaqxanisida tutup turuluwatqan 4 neper xitay siyasiy tutqunning qoyup bérilishini telep qildi we herqaysi ammiwi teshkilat we kishilik hoquq pa'aliyetchilirini bu heqte xitayning chéngdu soti, chéngdu qamaqxanisi we xitay dölet rehberlirige xet yézishqa chaqirdi.

Chaqiriqnamide bayan qilinishiche, fu xeylu we chén bing qatarliq 4 neper siyasiy öktichi 2016-yili "4-Iyun xatirisi" namliq bir haraq botulka markisini layihiligen؛ markigha "27 Yil dömlen'gen, sétilmaydu" dep xet yézilghan. Bu markiliq haraq 5-ayning 26-küni tor arqiliq bazargha sélin'ghan. Élan köpligen kishilerning diqqitini tartqan. Da'iriler ikki kündin kéyin markini layihiligüchi we hemkarlashquchi 4 kishini tutqun qilghan we bu yil 24-mart küni dölet hakimiyitini aghdurush bilen eyiblep resmiy qolgha alghan.

Xelq'ara kechürüm teshkilati bayanatida, mezkur 4 pa'aliyetchining qilmishining héchqandaq bir jinayetke yatmaydighanliqini, peqet öz pikrini bayan qilishtin ibaret eqelliy insaniy heqqini qollan'ghanliqini otturigha qoyghan hemde bularning derhal we shertsiz qoyup bérilishi kéreklikini tekitligen.

Toluq bet