«Муһапизәтчи» гезити: «хитайниң лагердики уруқ-туғқанлирини қоюп бәргәнликини илгири сүрүши уйғур аилиләрни ғәзәпләндүрди»

Мухбиримиз әркин
2019-08-02
Елхәт
Пикир
Share
Принт

Хитай һөкүмитиниң лагерлардики 90 пирсәнт тутқунни қоюп бәргәнликини илгири сүрүши хәлқара таратқуларда давамлиқ ғулғула қилинмақта. «Муһапизәтчи» гезитиниң австралийәдики шөбиси 1‏-авғуст күни мәхсус хәвәр елан қилип, хитайниң лагерлардики 90 пирсәнт тутқунниң қоюп берилгәнликини илгири сүрүши чәтәлдики уйғурларниң рәт қилишиға учраватқанлиқини илгири сүргән.

Хәвәрдә хитайниң лагердики 90 пирсәнт тутқун қоюп берилип, ишқа орунлашқанлиқини илгири сүрүшигә қарита австралийәдики 3000 дәк уйғурни өз ичигә алған чәтәлләрдики уйғур җамаитиниң ғәзәп билән инкас қайтуруватқанлиқини билдүргән. Хәвәрдә улар «әгәр 90 пирсәнт адәм қоюп берилгән болса, мениң туғқанлирим, мениң аиләм, мениң достлирим қени» дегән соални қоюватқанлиқи тәкитләнгән.

Хәвәрдә австралийәдики нургүл савут, фатимә абдуғопур, арслан миҗит һидайәт қатарлиқ уруқ-туғқини вә аилә әзалири лагердики паалийәтчиләрни зиярәт қилған болуп, фатимә абдуғопурниң «әгәр бу раст болса, мениң туғқанлирим қени, дадамниң вә достлиримниң һазирға қәдәр из дерики йоққу» дегәнлики тәкитләнгән. Арслан миҗит һидайәт болса шөһрәт закирниң сөзлирини тәнқидләп, униң раст гәп қилмиғанлиқи, униң «90 пирсәнт киши ишқа орунлашти» дегини җаза лагерлиридики 90 пирсәнт тутқунниң әмгәк лагерлириға яки завутларға йөткәлгән болуши мумкинликини билдүргән. Униң қәйт қилишичә, хитай һөкүмити униң лагердики қейниатиси, атақлиқ комедийә чолпини адил миҗитниң түркийәгә чиқип, улар билән яшишиға йол қуюлмиғичә, уни әркинликкә чиқти, дәп һесаблимайдикән.

Пикирләр (0)
Share
Толуқ бәт