"Muhapizetchi" géziti: "Xitayning lagérdiki uruq-tughqanlirini qoyup bergenlikini ilgiri sürüshi Uyghur a'ililerni ghezeplendürdi"

Muxbirimiz erkin
2019-08-02
Élxet
Pikir
Share
Print

Xitay hökümitining lagérlardiki 90 pirsent tutqunni qoyup bergenlikini ilgiri sürüshi xelq'ara taratqularda dawamliq ghulghula qilinmaqta. "Muhapizetchi" gézitining awstraliyediki shöbisi 1‏-awghust küni mexsus xewer élan qilip, xitayning lagérlardiki 90 pirsent tutqunning qoyup bérilgenlikini ilgiri sürüshi chet'eldiki Uyghurlarning ret qilishigha uchrawatqanliqini ilgiri sürgen.

Xewerde xitayning lagérdiki 90 pirsent tutqun qoyup bérilip, ishqa orunlashqanliqini ilgiri sürüshige qarita awstraliyediki 3000 dek Uyghurni öz ichige alghan chet'ellerdiki Uyghur jama'itining ghezep bilen inkas qayturuwatqanliqini bildürgen. Xewerde ular "Eger 90 pirsent adem qoyup bérilgen bolsa, méning tughqanlirim, méning a'ilem, méning dostlirim qéni" dégen so'alni qoyuwatqanliqi tekitlen'gen.

Xewerde awstraliyediki nurgül sawut, fatime abdughopur, arslan mijit hidayet qatarliq uruq-tughqini we a'ile ezaliri lagérdiki pa'aliyetchilerni ziyaret qilghan bolup, fatime abdughopurning "Eger bu rast bolsa, méning tughqanlirim qéni, dadamning we dostlirimning hazirgha qeder iz dériki yoqqu" dégenliki tekitlen'gen. Arslan mijit hidayet bolsa shöhret zakirning sözlirini tenqidlep, uning rast gep qilmighanliqi, uning "90 Pirsent kishi ishqa orunlashti" dégini jaza lagérliridiki 90 pirsent tutqunning emgek lagérlirigha yaki zawutlargha yötkelgen bolushi mumkinlikini bildürgen. Uning qeyt qilishiche, xitay hökümiti uning lagérdiki qéyni'atisi, ataqliq komédiye cholpini adil mijitning türkiyege chiqip, ular bilen yashishigha yol quyulmighiche, uni erkinlikke chiqti, dep hésablimaydiken.

Toluq bet