Сам бровнбәк: «ислам дунясиниң уйғурлар мәсилисигә сүкүт қилишидин бәкму үмидсизләндим!»

Мухбиримиз әзиз
2019-09-24
Елхәт
Пикир
Share
Принт

Америка һөкүмити уйғурлар мәсилисидә изчил хитайни әйибләп келиватқан болуп, буниң юқири пәллиси б д т баш штабида чақирилған диний әркинликни һимайә қилиш темисидики йиғинда йәнә бир қетим намаян қилинди.

«CNS Хәвәрлири» ниң 24-сентәбирдики хәвиридә ейтилишичә, американиң хәлқара диний етиқад әркинлики баш әлчиси сам бровнбәкму йиғин җәрянида мухбирларға сөз қилип, өзиниң ислам дунясиниң уйғурларға тутқан муамилисидин бәкму мәйүсләнгәнликини билдүрди. У бу һәқтә алаһидә қилип «2019-йилиниң өзидә милйонлиған адәм йиғивелиш лагерлириға қамалған турса сиз қандақму буниңдин хаватирләнмәй туралайсиз?» дегән.

У бу мәсилидә ислам дунясиниң бир еғиз сөз қилмастин җим олтурувелиши, йәнә келип хәлқара ислам һәмкарлиқи тәшкилатиға әза мусулман дөләтлириниң хитай һөкүмити иҗра қиливатқан мусулманларға қарши тәдбирләрни алқишлап имзалиқ мәктупқа имза қоюшини мисал қилип «биз уйғурлар һәққидә мушу ислам әллиридинму бәкрәк ғәм йәватимиз» дәйду.

Пикирләр (0)
Share
Толуқ бәт