Sam brownbek: "Islam dunyasining Uyghurlar mesilisige süküt qilishidin bekmu ümidsizlendim!"

Muxbirimiz eziz
2019-09-24
Élxet
Pikir
Share
Print

Amérika hökümiti Uyghurlar mesiliside izchil xitayni eyiblep kéliwatqan bolup, buning yuqiri pellisi b d t bash shtabida chaqirilghan diniy erkinlikni himaye qilish témisidiki yighinda yene bir qétim namayan qilindi.

"CNS Xewerliri" ning 24-séntebirdiki xewiride éytilishiche, amérikaning xelq'ara diniy étiqad erkinliki bash elchisi sam brownbekmu yighin jeryanida muxbirlargha söz qilip, özining islam dunyasining Uyghurlargha tutqan mu'amilisidin bekmu meyüslen'genlikini bildürdi. U bu heqte alahide qilip "2019-Yilining özide milyonlighan adem yighiwélish lagérlirigha qamalghan tursa siz qandaqmu buningdin xawatirlenmey turalaysiz?" dégen.

U bu mesilide islam dunyasining bir éghiz söz qilmastin jim olturuwélishi, yene kélip xelq'ara islam hemkarliqi teshkilatigha eza musulman döletlirining xitay hökümiti ijra qiliwatqan musulmanlargha qarshi tedbirlerni alqishlap imzaliq mektupqa imza qoyushini misal qilip "Biz Uyghurlar heqqide mushu islam elliridinmu bekrek ghem yewatimiz" deydu.

Toluq bet