Adil mijit, senuber tursun heqqidiki uchurlar ularning qoyup bérilgen bolushi mumkinliki heqqidiki qiyaslarni kücheytmekte

Muxbirimiz erkin
2019-10-28
Élxet
Pikir
Share
Print

2018‏-Yili iz-déreksiz ghayip bolghan ataghliq Uyghur muzikant, naxshichi senuber tursun bilen komédiye artisi adil mijit heqqidiki yéqinqi uchurlar ularning qoyup bérilgen bolushi mumkinliki heqqidiki qiyaslarni kücheytti. Fransiye agéntliqining xewer qilishiche, ataghliq muzikant, naxshisi senuber tursun kéler ay shangxeyde nomur körsitidiken. Senuber tursun 2018‏-yili 12‏-ayda iz-déreksiz ghayip bolup, ijtima'iy taratqularda qattiq ghulghula qozghighan. Uning lagérgha élip kétilgen bolushi mümkinliki ilgiri sürülgenidi.

Fransiye agéntliqining xewiride tekitlinishiche, shangxey muzika tiyatirining chén famililik bir teshwiqat emeldari senuber tursunning 4‏-noyabir küni shangxey muzika tiyatirida ötküzülidighan bir mukapatlash murasimida nomur körsitidighanliqini bildürgen. Mezkur muzika tiyatirining 27‏-öktebir küni ündidardiki hésabida élan qilin'ghan uchurida, senuberning "Öz yurtida dangliq bolupla qalmay, belki dunyaghimu dangliq bir Uyghur muzikanti" ikenliki ilgiri sürülgen. Xitay hökümiti 2017‏-yili bashlan'ghan keng kölemlik tutqunda Uyghur yazghuchi, sen'etchilirini, tetqiqatchi alimlirini, diniy ölimalirini, jama'et erbaplirini, tijaretchi, karxanichilirini, awam xelq ichidiki dindarlarni lagérlargha qamighan we qamaq jazalirigha höküm qilin'ghan. Shu qatarda ataghliq komédiye artisi adil mijitmu iz-déreksiz ghayip bolghan. Uning türkiyede turushluq köy'oghli, adil mijitning 2018‏-yili 11‏-aydin béri iz-dériki yoqliqini bildürgenidi. Lékin ikki künning aldida xitayning tik-tok torida adil mijitning bir murasimda sözlewatqan qisqa widiyosi tarqalghan. Közetküchiler, uning harghinliq we endishe chiqip turghan chirayidin éghir iztirap chekkenlikini körüwélish qiyin emeslikini bildürmekte. 

Nöwette, senuber tursunning shangxeyde nomur körsitishke orunlashturulushi we adil mijitning tuyuqusiz tik tok torida peyda bolup qélishi diqqet qozghimaqta. Fransiye agéntliqining xewiride neqil keltürülishiche, en'giliye london uniwérsitéti sherqshunasliq inistitutining proféssori réychél xaris "Senuber tursunning shangxeyde sehnige chiqishini Uyghurlarning ehwalida özgirish boliwatqanliqini körsitidu, dep qarash baldurluq qilidu" dégen.

Toluq bet