Amérika misirni musulman qérindashlar ezalirini qolgha élishni toxtitish heqqide agahlandurdi

Muxbirimiz shöhret hoshur
2013-07-12
Élxet
Pikir
Share
Print

Amérika tashqi ishlar bayanatchisi jey karney tünügün yeni peyshenbe küni misir weziyiti heqqide pikir bayan qilip misirni musulman qérindashlar teshkilatining ezalirini xalighanche qolgha élishni toxtitishqa chaqirdi.

Bayanatchi sözide, amérikining ümid qilidighini barliq partiye we guruhlarning hakimiyetke qatnishishi kérekliki ikenlikini eskertip, herqandaq bir guruh chetke qéqilsa, amérikining bundaq qararni qollimaydighanliqini tekitlidi.

Misirda herbiyler saylam arqiliq hakimiyet béshigha kelgen dölet re'isi muhemmed mursini aghduruwetkendin kéyin musulman qérindashlar teshkilatining rehbiri we 9 neper gholluq yétekchisi heqqide tutush buyruqi chiqirilghan idi. Msirda muhemmed mursini qollighuchi namayishchilargha oq chiqirilishi we namayishning barghanséri ulghiyishi sewebidin jiddiylishiwatqan misir weziyiti amérika bilen birlikte b d t nimu endishige salmaqta.

Fransiye axbarat agéntliqining bu heqtiki xewiride bayan qilinishiche, b d t bash katibi bankuminmu tünügün misir tashqi ishlar ministirigha téléfon qilip, b d t ning misirdiki bir chong partiye yaki herqandaq kichik guruhning chetke qéqilishigha qarshi turidighanliqini bildürgen.

Toluq bet