Америка билән русийә украина пикри бирлики һасил қилалмиди

Мухбиримиз әркин
2014-03-14
Елхәт
Пикир
Share
Принт

Америка дөләт ишлар министири җон кәрий билән русийә ташқи ишлар министири сергий лавроф җүмә күни лондонда көрүшүп, украина кризиси тоғрулуқ сөһбәт елип барған болсиму, лекин пикир бирлики һасил қилалмиди.

Җон кәрий, русийәниң украина чигриси вә қиримға әскәр әвәткәнликидин «чоңқур» әндишә қиливатқанлиқини билдүргән. Лавроф болса русийәниң йәкшәнбә өткүзүлидиған қирим омуми хәлқ сайлимини һөрмәт қилидиғанлиқини билдүргән. Лекин җон кәрий, америкиниң мәзкур сайламни етирап қилмайдиғанлиқини агаһландурған.

Икки тәрәп сөһбити 6 саәт давам қилған. Сөһбәттин кейин кейин лавроф мухбирларға тәкитләп, русийәниң шәрқий-җәнубий украинани ишғал қилиш нийити йоқлуқи, бирақ русийә «қирим хәлқиниң арзусиға һөрмәт қилиду» дегән.

Әмма җон кәрий лаврофни агаһландуруп, әгәр русийә «бир чиқиш йоли тапмиса, буниң бәдилини өтәйду» дәп тәкитлигән.
Америка вә явропа иттипақиниң көрситишичә, қирим омуми хәлқ сайлимини хәлқара қанун вә украина асаси қануниға хилап, әгәр кризис юмшимиса русийәгә ембарго йүргүзүлиду.

Җүмә күни президенти обама русийәни йәнә бир қетим агаһландурди. У, украинаниң игилик һоқуқиға давамлиқ хилаплиқ қилинса, буниң бәдилини өйтәйду, деди.

Җүмә күни йәнә, 500 дәк қиримлиқ татар җүмә намизидин қайтип, қирим пайтәхти семфилеполда намайиш қилип, омуми хәлқ сайлимиға қарши турған. Шу күни йәнә, украинаниң шәрқийдики донетсик шәһиридә кийеф һөкүмитини қоллиғучи украинлар билән москвапәрәс намайишчилар тоқунушуп бир адәм өлгән.

Пикирләр (0)
Share
Толуқ бәт