Amérika bilen rusiye ukra'ina pikri birliki hasil qilalmidi

Muxbirimiz erkin
2014-03-14
Élxet
Pikir
Share
Print

Amérika dölet ishlar ministiri jon keriy bilen rusiye tashqi ishlar ministiri sérgiy lawrof jüme küni londonda körüshüp, ukra'ina krizisi toghruluq söhbet élip barghan bolsimu, lékin pikir birliki hasil qilalmidi.

Jon keriy, rusiyening ukra'ina chigrisi we qirimgha esker ewetkenlikidin "Chongqur" endishe qiliwatqanliqini bildürgen. Lawrof bolsa rusiyening yekshenbe ötküzülidighan qirim omumi xelq saylimini hörmet qilidighanliqini bildürgen. Lékin jon keriy, amérikining mezkur saylamni étirap qilmaydighanliqini agahlandurghan.

Ikki terep söhbiti 6 sa'et dawam qilghan. Söhbettin kéyin kéyin lawrof muxbirlargha tekitlep, rusiyening sherqiy-jenubiy ukra'inani ishghal qilish niyiti yoqluqi, biraq rusiye "Qirim xelqining arzusigha hörmet qilidu" dégen.

Emma jon keriy lawrofni agahlandurup, eger rusiye "Bir chiqish yoli tapmisa, buning bedilini öteydu" dep tekitligen.
Amérika we yawropa ittipaqining körsitishiche, qirim omumi xelq saylimini xelq'ara qanun we ukra'ina asasi qanunigha xilap, eger krizis yumshimisa rusiyege émbargo yürgüzülidu.

Jüme küni prézidénti obama rusiyeni yene bir qétim agahlandurdi. U, ukra'inaning igilik hoquqigha dawamliq xilapliq qilinsa, buning bedilini öyteydu, dédi.

Jüme küni yene, 500 dek qirimliq tatar jüme namizidin qaytip, qirim paytexti sémfilépolda namayish qilip, omumi xelq saylimigha qarshi turghan. Shu küni yene, ukra'inaning sherqiydiki donétsik shehiride kiyéf hökümitini qollighuchi ukra'inlar bilen moskwaperes namayishchilar toqunushup bir adem ölgen.

Toluq bet