Америка президенти обама кәрри - лавров келишимини қарши алидиғанлиқини билдүрди

Мухбиримиз үмидвар
2013-09-15
Елхәт
Пикир
Share
Принт

Президент обама сөзидә мәзкур келишимни «сүрийә киризисини бир тәрәп қилишқа ташланған муһим қәдәм» дәп көрсәтти.

Америка авазиниң хәвәр қилишичә, америка дөләт ишлири министири җон кәрри билән русийә ташқи ишлар министири сергей лавров сүрийиниң химийилик қораллири мәсилиси һәққидә җәнвәдә үч күн мәхсус сөһбәт өткүзүш нәтиҗисидә шәнбә күни пүтүшүм һасил қилди. Икки тәрәп әсәд һөкүмитиниң 2014 - йилидин бурун барлиқ химийилик қораллирини йоқитиши керәклики һәмдә бир һәптә ичидә сүрийә һөкүмитиниң барлиқ химийилик қоралларниң тизимликини тапшуруши һәққидә қарар қобул қилди.

Бу, америка сүрийиниң химийилик қорал ишләткәнлики сәвәбидин әсәдгә қарши һәрбий һәрикәт қиоллинишқа тәрәддут қиливатқанда русийиниң қарши чиқиши билән америка вә русийә ташқи ишлар рәһбәрлириниг бир ариға келип, сүрийә мәсилиси бойичә тунҗи қетим рәсмий келишим һасил қилишидур.

Әмма, америка президенти обама әгәр әсәд һөкүмитиниң химийилик қоралланри бикар қилиш вәдисидә турмиса америкиниң йәнила униңға қарши һәрбий һәрикәт қоллинидиғанлиқини агаһландурди.

Кәрри билән лавров асирида түзүлгән келишимни хитайни өз ичигә алған бир қисим дөләтләр қарши алди. Әмма, сүрийә өктичилири болса америкиниң һәрбий һәрикәт қолланмиғанлиқидин әпсусланғанлиқини билдүрди.

Пикирләр (0)
Share
Толуқ бәт