Amérika prézidénti obama kerri - lawrow kélishimini qarshi alidighanliqini bildürdi

Muxbirimiz ümidwar
2013-09-15
Élxet
Pikir
Share
Print

Prézidént obama sözide mezkur kélishimni "Süriye kirizisini bir terep qilishqa tashlan'ghan muhim qedem" dep körsetti.

Amérika awazining xewer qilishiche, amérika dölet ishliri ministiri jon kerri bilen rusiye tashqi ishlar ministiri sérgéy lawrow süriyining ximiyilik qoralliri mesilisi heqqide jenwede üch kün mexsus söhbet ötküzüsh netijiside shenbe küni pütüshüm hasil qildi. Ikki terep esed hökümitining 2014 - yilidin burun barliq ximiyilik qorallirini yoqitishi kérekliki hemde bir hepte ichide süriye hökümitining barliq ximiyilik qorallarning tizimlikini tapshurushi heqqide qarar qobul qildi.

Bu, amérika süriyining ximiyilik qoral ishletkenliki sewebidin esedge qarshi herbiy heriket qi'ollinishqa tereddut qiliwatqanda rusiyining qarshi chiqishi bilen amérika we rusiye tashqi ishlar rehberlirinig bir arigha kélip, süriye mesilisi boyiche tunji qétim resmiy kélishim hasil qilishidur.

Emma, amérika prézidénti obama eger esed hökümitining ximiyilik qorallanri bikar qilish wediside turmisa amérikining yenila uninggha qarshi herbiy heriket qollinidighanliqini agahlandurdi.

Kerri bilen lawrow asirida tüzülgen kélishimni xitayni öz ichige alghan bir qisim döletler qarshi aldi. Emma, süriye öktichiliri bolsa amérikining herbiy heriket qollanmighanliqidin epsuslan'ghanliqini bildürdi.

Toluq bet