Америка сүрийәгә 400 дин артуқ әскәр әвәтидиғанлиқи билдүрди

Мухбиримиз җүмә
2015-01-17
Елхәт
Пикир
Share
Принт


Америка дөләт мудапиә министирлиқи җүмә күнидики хәвиридә сүрийәгә 400 дин артуқ әскәр әвәтидиғанлиқи, буларниң асаслиқи «ирақ - шам ислам дөлити» гә қарши күрәш қиливатқан сүрийә қозғилаңчилирини тәрбийәләш вәзиписини өтәйдиғанлиқини билдүрди.

Дөләт мудапиә министирлиқи баянчиси стев варренниң билдүрүшичә, америка бу әскәрләргә яндаш һалда йәнә йүзлигән ярдәмчи хадимларни қошуп әвәтидикән.

Һалбуки, улар америка әсәрлириниң қәйәргә орунлаштурулидиғанлиқи, тәрбийиләшниң қайси орунда елип берилидиғанлиқини ашкарилимиди.

Униң ейтишичә йәнә, тәрбийиләш бу йил баһарда башлинидикән.

Илгири америка президенти обама ирақ вә курд җәңчилирини тәрбийәләш үчүн бу районларға 3 миң нәпәр америка әскирини әвәткән вә буларниң җәң қилиш вәзиписи өтимәйдиғанлиқини алаһидә әскәрткән.

Америка даирилири бундин бурун сүрийә қозғилаңчилирини һәрбий қорал - ярақларни өз ичигә алмиған бир қисим һәрбий әслиһәлири билән тәминләйдиғанлиқини елан қилған иди.

Пикирләр (0)
Share
Толуқ бәт