Amérika süriyege 400 din artuq esker ewetidighanliqi bildürdi

Muxbirimiz jüme
2015-01-17
Élxet
Pikir
Share
Print


Amérika dölet mudapi'e ministirliqi jüme künidiki xewiride süriyege 400 din artuq esker ewetidighanliqi, bularning asasliqi "Iraq - sham islam döliti" ge qarshi küresh qiliwatqan süriye qozghilangchilirini terbiyelesh wezipisini öteydighanliqini bildürdi.

Dölet mudapi'e ministirliqi bayanchisi stéw warrénning bildürüshiche, amérika bu eskerlerge yandash halda yene yüzligen yardemchi xadimlarni qoshup ewetidiken.

Halbuki, ular amérika eserlirining qeyerge orunlashturulidighanliqi, terbiyileshning qaysi orunda élip bérilidighanliqini ashkarilimidi.

Uning éytishiche yene, terbiyilesh bu yil baharda bashlinidiken.

Ilgiri amérika prézidénti obama iraq we kurd jengchilirini terbiyelesh üchün bu rayonlargha 3 ming neper amérika eskirini ewetken we bularning jeng qilish wezipisi ötimeydighanliqini alahide eskertken.

Amérika da'iriliri bundin burun süriye qozghilangchilirini herbiy qoral - yaraqlarni öz ichige almighan bir qisim herbiy esliheliri bilen teminleydighanliqini élan qilghan idi.

Toluq bet