Америка һөкүмитиниң сүрийә қозғилаңчилириға ярдәм беридиғанлиқи мәлум

Мухбиримиз җүмә
2013-02-27
Елхәт
Пикир
Share
Принт

Америка һөкүмитиниң сүрийә қозғилаңчилириға биваситә ярдәм беридиғанлиқи илгири сүрүлмәктә.

«Вашингтон почтиси» ниң хәвәр қилишичә, обама һөкүмити сүрийә қозғилаңчилириға қаратқан сияситидә чоң өзгириш ясап, уларға оқ өтмәс кийим, оқ өтмәс һәрбий аптомобил қатарлиқ һәрбий әшялирини беришкә тутунған.

Мәлум болушичә, америка тәрәп йәнә қозғилаңчилириға һәрбий тәлим тәрбийә җәһәттинму ярдәм қилиши мумкин икән.

Һалбуки, обама һөкүмити түрлүк хәвпсизлик әндишилири түпәйли сүрийә қозғилаңчилириға қорал-ярағ ярдәм қилмайдикән.

Бу иштин хәвәрдар һөкүмәт әмәлдарлириниң билдүрүшичә, юқириқи қарар техи мақулланмиған болуп, бу қарар мушу һәптә америка, явропа иттипақи вә әрәб әллири арисида музакирә қилинидикән.

Сүрийидә өткән икки йилдин буян давам қиливатқан ички урушта 70 миң адәм һаятидин айрилған.

Америка бу икки йилдин буян әсәд һөкүмитини әйиблигән вә әсәдни вәзиписидин истепа беришкә көп қетим чақирған болсиму, қозғилаңчиларға биваситә ярдәм бәрмигән иди.

Пикирләр (0)
Share
Толуқ бәт