Amérika hökümitining süriye qozghilangchilirigha yardem béridighanliqi melum

Muxbirimiz jüme
2013-02-27
Élxet
Pikir
Share
Print

Amérika hökümitining süriye qozghilangchilirigha biwasite yardem béridighanliqi ilgiri sürülmekte.

"Washin'gton pochtisi" ning xewer qilishiche, obama hökümiti süriye qozghilangchilirigha qaratqan siyasitide chong özgirish yasap, ulargha oq ötmes kiyim, oq ötmes herbiy aptomobil qatarliq herbiy eshyalirini bérishke tutun'ghan.

Melum bolushiche, amérika terep yene qozghilangchilirigha herbiy telim terbiye jehettinmu yardem qilishi mumkin iken.

Halbuki, obama hökümiti türlük xewpsizlik endishiliri tüpeyli süriye qozghilangchilirigha qoral-yaragh yardem qilmaydiken.

Bu ishtin xewerdar hökümet emeldarlirining bildürüshiche, yuqiriqi qarar téxi maqullanmighan bolup, bu qarar mushu hepte amérika, yawropa ittipaqi we ereb elliri arisida muzakire qilinidiken.

Süriyide ötken ikki yildin buyan dawam qiliwatqan ichki urushta 70 ming adem hayatidin ayrilghan.

Amérika bu ikki yildin buyan esed hökümitini eyibligen we esedni wezipisidin istépa bérishke köp qétim chaqirghan bolsimu, qozghilangchilargha biwasite yardem bermigen idi.

Toluq bet