Amérika süriye qozghilangchilirini qorallandurushni oylashmaqta

Muxbirimiz jüme
2013-05-01
Élxet
Pikir
Share
Print

Amérika aqsaray da'irilirining süriye qozghilangchilirini qorallandurushni oylishiwatqanliqi ilgiri sürülmekte.

Süriye mesilisi üstide toxtalghan amérika dölet xewpsizlik kéngishi bayanatchisi keytlin haydén seyshenbe küni: biz hazir, süriyide hakimiyet almashturush qedimi tizlitidighan barliq wasitilerning hemmisini oylishiwatimiz, dédi.

Bu heqte toxtilip, nam sheripini ashkarilashni xalimighan bir yuqiri derijilik amérika hökümet xadimi süriye qozghilangchilirini qorallandurush mesilisiningmu nöwette muzakire qiliniwatqan wasitilerning biri ikenlikini bildürgen.

Amérika prézidénti obamamu eger süriye da'irilirining awam - puqragha ximiyilik qoral ishletkenliki delillense buning amérikining meydanida jiddiy özgirish yasaydighanliqini bildürgen.

U mundaq dégen: eger shundaq bolsa, biz hazir qolimizda bar barliq imkaniyetlerdin paydilinishni oylishimiz.

Obama hökümiti marttin bashlap süriye qozghilangchilirigha herbiy qoral - yaraqlarni öz ichige almighan herbiy üskünilerni béridighanliqini bildürgen idi.

Toluq bet