Америка сүрийә кирзисини һәл қилиш чарисини ойлашмақта

Мухбиримиз җүмә
2013-08-24
Елхәт
Пикир
Share
Принт

Мәлуматларға қариғанда, америка президенти обама сүрийәдики тоқунушқа һәрбий арилишиш чарисини ойлишиватқан болуп, америка нөвәттә оттура деңиздики һәрбий парахотлирини көпәйтишкә башлиған.

Малайшияда зиярәттә биливатқан америка дөләт мудапиә министири чак һейгелниң шәнбә күни билдүрүшичә, америка президенти улардин сүрийә кирзисини һәл қилиш чарилирини сориған.

У мундақ деди: президент сориған икән, дөләт мудапиә министирлиқи президентни һәрқандақ еһтималлиқ қариши елинидиған тәдбирләрниң һәммиси билән тәминләш мәҗбурийитигә игән.

У йәнә мундақ деди: қошун вә әслиһәлиримизниң охшимайдиған тәдбирләрни үнүмлүк иҗра қилалиши үчүн уларниң мувапиқ орунлаштуруши шәрт.

Сүрийә өктичилири дәмәшқниң шәрқидики ғота районида чаршәнбә күни кәчтә йүзлигән адәмниң химийилик бомба һуҗумида өлгәнликини илгири сүргәндин кейин, бу дуня характерлик ғулғула қозғиған.

Һалбуки, әсәд һөкүмити химийилик қорал ишләткәнликини тән алмиған иди.

Шәнбә күни фирансийә ташқи ишлар министири ларант бафуюс: қолимиздики учурлар шуни испатлайдуки дәмәшққә йеқин җайда химийилик қорал билән қәтлиам йүргүзүлди, буниңға бәшәр әсәд һөкүмити мәсул, деди.

Пикирләр (0)
Share
Толуқ бәт