Aqsaray bayanatchisi: tor bixeterliki xitay -amérika arisida yenila zitigha tégidighan mesile

Muxbirimiz shöhret hoshur
2016-06-22
Élxet
Pikir
Share
Print

Amérikidiki FireEye namliq bir tor bixeterlik shirkiti düshenbe küni bir doklat élan qilip 2015-yili 9-aydin 2016-yili 6-ayghiche xitaydin amérika, yawropa we yaponiye shirketlirige qarita 13 qétim teshkillik we heriketchan tor hujumi bolghanliqini melum qildi.

Bügün muxbirlarning bu heqtiki so'aligha jawab bergen aqsaray bayanatchisi josh érnest, amérika we xitay dölet rehberlirining her qétimliq uchrishishida tor bixeterliki mesilisini her ikki terepning otturigha qoyup kéliwatqanliqini ilgiri sürgen؛ u shundaq bolushigha qarimay tor bixeterliki mesilisining ikki terep arisida yenila zitigha tégidighan mesile süpitide dawamlishiwatqanliqini eskertken.

Amérika awazi radiyosining bügünki bu heqtiki xewiride bayan qilinishiche, prézidént obama ötken yili perman chiqirip maliye ministirliqigha amérikigha tor hujumi élip barghan dölet we orunlargha qarita iqtisadiy jaza qollinish hoquqini bergen. Aqsaray bayanatchisi bügünki sözide amérika hökümitining xitaydiki bir qisim orunlargha iqtisadiy jaza qollinishni téxi békitmigenlikini, emma buning amérika dölet menpe'etini qoghdash üchün zörür tépilghanda tallinidighan bir yol ikenlikini bayan qilghan.

Toluq bet