Хитай ‏- америка оттурисида уруш партлаш хәвпи күчәйгән

Мухбиримиз әркин
2016-08-19
Елхәт
Пикир
Share
Принт

Америкиниң атақлиқ гезити «вал стрет журнал» мақалә елан қилип, америка-хитай оттурисида тоқунуш йүз бериш, тоқунушниң урушқа айлиниш еһтимали күчийиватқанлиқини билдүрди. Бу қараш стон язғучиси андрев бровнниң «вал стрет журнал» гезитидә елан қилинған мақалисидә оттуриға қоюлған.

Униң мақалисидә илгири сүрүшичә, нурғун кишиләр америка билән хитайниң сода, маарип, пән техника вә башқа саһәләрдики зич һәмкарлиқ мунасивитигә қарап, улар оттурисида һәрбий тоқунуш партлаш еһтималлиқи аз, дәп қарисиму, әмма хитайниң шәрқий, җәнубий деңизда давамлиқ өзиниң һәрбий күчини көрситиши бу хил еһтималлиқни күчәйткән.

Андрев бровн мақалисидә, америка тәтқиқат орни- ранди ширкитиниң йеқинда елан қилған доклатини нәқил кәлтүрүп, америка-хитай оттурисида «оруш партлаш мумкинчилики йоқ, дәп қаралмаслиқи керәк» дегән.

Ранди ширкитиниң тәтқиқат доклатида, қораллиқ тоқунушниң туюқсиз партлайдиғанлиқи, чүнки һәр икки дөләтниң интайин илғар қоралларни орунлаштурғанлиқи вә бир- бириниң башқурулидиған бомба, авияматка қатарлиқ қораллириға еғир бузғунчилиқ салалайдиғанлиқи агаһландурулған.

Лекин андрев бровн мақалисидә йәнә, бәзи мутәхәссисләрниң америка-хитай җәнубий деңиз сәвәблик йеқин арида уруш қилиду, дәп қаримайдиғанлиқини оттуриға қойған.

Пикирләр (0)
Share
Толуқ бәт