Xitay ‏- amérika otturisida urush partlash xewpi kücheygen

Muxbirimiz erkin
2016-08-19
Élxet
Pikir
Share
Print

Amérikining ataqliq géziti "Wal strét zhurnal" maqale élan qilip, amérika-xitay otturisida toqunush yüz bérish, toqunushning urushqa aylinish éhtimali küchiyiwatqanliqini bildürdi. Bu qarash ston yazghuchisi andréw brownning "Wal strét zhurnal" gézitide élan qilin'ghan maqaliside otturigha qoyulghan.

Uning maqaliside ilgiri sürüshiche, nurghun kishiler amérika bilen xitayning soda, ma'arip, pen téxnika we bashqa sahelerdiki zich hemkarliq munasiwitige qarap, ular otturisida herbiy toqunush partlash éhtimalliqi az, dep qarisimu, emma xitayning sherqiy, jenubiy déngizda dawamliq özining herbiy küchini körsitishi bu xil éhtimalliqni kücheytken.

Andréw brown maqaliside, amérika tetqiqat orni- randi shirkitining yéqinda élan qilghan doklatini neqil keltürüp, amérika-xitay otturisida "Orush partlash mumkinchiliki yoq, dep qaralmasliqi kérek" dégen.

Randi shirkitining tetqiqat doklatida, qoralliq toqunushning tuyuqsiz partlaydighanliqi, chünki her ikki döletning intayin ilghar qorallarni orunlashturghanliqi we bir- birining bashqurulidighan bomba, awiyamatka qatarliq qorallirigha éghir buzghunchiliq salalaydighanliqi agahlandurulghan.

Lékin andréw brown maqaliside yene, bezi mutexessislerning amérika-xitay jenubiy déngiz seweblik yéqin arida urush qilidu, dep qarimaydighanliqini otturigha qoyghan.

Toluq bet