Америка-хитай сода урушиниң кәскинлишиши хитай завутлирини ишчиларни қисқартишқа мәҗбур қилған

Мухбиримиз сада
2018-12-26
Елхәт
Пикир
Share
Принт

Бу йил 7-айдин буян америкиниң хитайға юқири өсүмлүк таможна беҗи қоюши билән хитайдики нурғун завутларда хизмәткә орунлишиш қийин болуштәк бир вәзийәтни кәлтүрүп чиқарған.

«Малийә вақти» гезитиниң 26-декабирдики хәвиригә қариғанда, хитайниң шенҗен шәһиридә иш издәватқан нурғун хитай ишләмчиләр изчил мувапиқ хизмәт тапалмиған. Улар ипадә билдүрүп, «һазир җуңго америка билән сода уруши қиливатиду. Биздәк пуқралар һөкүмәтниң сиясәтлириниң қурбани болуп кетип баримиз,» дегән.

Хәвәрдә қәйт қилинишичә, хитайниң шенҗен шәһиридики ишчилар вә ишқа қобул қилғучилар хитайниң иқтисадида муһим рол ойнайдиған шенҗенға охшаш ишләпчиқириш вә експорт мәркизи һесаблинидиған мушундақ бир шәһәрдә завутларға ишқа орунлишишниң қийинлишип кәткәнликидин қаттиқ нарази болған, һәтта кона ишчиларму ишқа орунлишиш тәс болуш вәзийитиниң өткән 10 йилға қариғанда техиму начарлишишқа қарап йүзләнгәнликини билдүргән.

Көзәткүчиләрниң билдүрүшичә, хитайниң иқтисади сода уруши партлаштин бурунла төвәнлишишкә башлиған болуп, бу асаслиқи һөкүмәтниң изчил малийә вә туралғу-өй бөликидики давалғушни азайтиш урунушидин болған икән. Һалбуки, дөләтниң иқтисадида өткән бир нәччә йил ичидила әң еғир астилаш йүз бәргән.

Пикирләр (0)
Share
Толуқ бәт