Хитайда тутуп турулуватқан хоңкоңлуқ китабпуруш «анна политковская хатирә мукапати» ға еришти

Мухбиримиз ирадә
2017-04-20
Елхәт
Пикир
Share
Принт


2015-Йили туюқсиз йоқап кетип, кейин хитай даирилири тәрипидин тутқун қилинғанлиқи мәлум болған бәш нәпәр хоңкоңлуқ китабпурушниң бири гүймиңхәй «анна политковская хатирә мукапати» ға еришти.

Гүй миңхәй вә башқа 4 нәпәр китабпуруш хитай дөләт рәиси ши җинпиң вә башқа компартийә әмәлдарлириниң шәхсий мәхпийәтликини ашкарилайдиған китабларни нәшр қилғанлиқи үчүн хитай һөкүмитиниң нишаниға айланған вә җимҗитла тутқун қилинған иди. Гәрчә уларниң қалғанлири кейин қоюп берилгән болсиму, әмма гүй миңхәй һелиһәм тутуп турулмақта.

Ройтерсниң ейтишичә, шиветсийә ахбарат оргини гүй миңхәйниң өзигә келидиған хәтәргә қаримай, хитайниң түзүмигә қарши җәң елан қилиштәк җасарити үчүн уни пикир әркинлики вә кишилик һоқуқ паалийәтлири үчүн берилидиған «анна политковская хатирә мукапати» ға лайиқ көргән.

Мәзкур мукапат русийәдә суйиқәсткә учрап өлгән журналист анна политковскаяни хатириләш үчүн тәсис қилинған вә йилда бир қетим тарқитилидиған нопузлуқ мукапат һесаблиниду.

Пикирләр (0)
Share
Толуқ бәт