Xitayda tutup turuluwatqan xongkongluq kitabpurush "Anna politkowskaya xatire mukapati" gha érishti

Muxbirimiz irade
2017-04-20
Élxet
Pikir
Share
Print


2015-Yili tuyuqsiz yoqap kétip, kéyin xitay da'iriliri teripidin tutqun qilin'ghanliqi melum bolghan besh neper xongkongluq kitabpurushning biri güymingxey "Anna politkowskaya xatire mukapati" gha érishti.

Güy mingxey we bashqa 4 neper kitabpurush xitay dölet re'isi shi jinping we bashqa kompartiye emeldarlirining shexsiy mexpiyetlikini ashkarilaydighan kitablarni neshr qilghanliqi üchün xitay hökümitining nishanigha aylan'ghan we jimjitla tutqun qilin'ghan idi. Gerche ularning qalghanliri kéyin qoyup bérilgen bolsimu, emma güy mingxey hélihem tutup turulmaqta.

Roytérsning éytishiche, shiwétsiye axbarat orgini güy mingxeyning özige kélidighan xeterge qarimay, xitayning tüzümige qarshi jeng élan qilishtek jasariti üchün uni pikir erkinliki we kishilik hoquq pa'aliyetliri üchün bérilidighan "Anna politkowskaya xatire mukapati" gha layiq körgen.

Mezkur mukapat rusiyede suyiqestke uchrap ölgen zhurnalist anna politkowskayani xatirilesh üchün tesis qilin'ghan we yilda bir qétim tarqitilidighan nopuzluq mukapat hésablinidu.

Toluq bet