Ақту наһийиси йәнә 700 нәпәр ярдәмчи сақчи қобул қилидиғанлиқини билдүргән

Мухбиримиз қутлан
2017-10-28
Елхәт
Пикир
Share
Принт

Ақту наһийилик һөкүмәт торидин мәлум болушичә, ақту наһийилик сақчи идариси бүгүн, йәни 10-айниң 28-күни омумий уқтуруш чиқирип, җәмийәттин йәнә 700 нәпәр ярдәмчи сақчи қобул қилидиғанлиқини билдүргән.

Игилинишичә, ақту наһийиси бу йил киргәндин буян йәрликтин вә хитай өлкилиридин әң көп сақчи қобул қилған наһийәләрниң бири икән.

Қизилсу областида сиясий җәһәттин әң сәзгүр наһийә дәп қаралған ақту наһийисиниң бир тәрипи биваситә қәшқәр вилайитигә, йәнә бир тәрипи таҗикистан вә афғанистанға тутушидикән.

Бу йилниң башлирида ақту наһийилик даириләр уқтуруш чиқирип, хитай өлкилиридин миң нәпәргә йеқин «террорлуққа қарши алаһидә сақчи» қобул қилған. Хитай өлкилиридин биваситә қобул қилинған сақчиларға юқири мааш вә алаһидә тәминат бәргән.

Һалбуки, бу қетим йәрликтин қобул қилидиған 700 нәпәр ярдәмчи сақчиниң илтимас қилиш шәртлиридә «аилисидә 3 әвладқичә сиясий җинайәт өткүзгән киши болмаслиқ, 24 саәт нөвәтчиликтә туралайдиған болуш» дегәндәк баянлар әскәртилгән.

Йәрликтин қобул қилидиған ярдәмчи сақчиларниң айлиқ иш һәққи 2600 йүән дәп бекитилгән болуп, буни хитай өлкилиридин қобул қилған ақтудики хитай сақчиларниң 9 миң йүәнлик иш һәққи билән селиштурғанда асман-земин пәрқ һасил қилған.

Пикирләр (0)
Share
Толуқ бәт