Aqtu nahiyisi yene 700 neper yardemchi saqchi qobul qilidighanliqini bildürgen

Muxbirimiz qutlan
2017-10-28
Élxet
Pikir
Share
Print

Aqtu nahiyilik hökümet toridin melum bolushiche, aqtu nahiyilik saqchi idarisi bügün, yeni 10-ayning 28-küni omumiy uqturush chiqirip, jem'iyettin yene 700 neper yardemchi saqchi qobul qilidighanliqini bildürgen.

Igilinishiche, aqtu nahiyisi bu yil kirgendin buyan yerliktin we xitay ölkiliridin eng köp saqchi qobul qilghan nahiyelerning biri iken.

Qizilsu oblastida siyasiy jehettin eng sezgür nahiye dep qaralghan aqtu nahiyisining bir teripi biwasite qeshqer wilayitige, yene bir teripi tajikistan we afghanistan'gha tutushidiken.

Bu yilning bashlirida aqtu nahiyilik da'iriler uqturush chiqirip, xitay ölkiliridin ming neperge yéqin "Térrorluqqa qarshi alahide saqchi" qobul qilghan. Xitay ölkiliridin biwasite qobul qilin'ghan saqchilargha yuqiri ma'ash we alahide teminat bergen.

Halbuki, bu qétim yerliktin qobul qilidighan 700 neper yardemchi saqchining iltimas qilish shertliride "A'iliside 3 ewladqiche siyasiy jinayet ötküzgen kishi bolmasliq, 24 sa'et nöwetchilikte turalaydighan bolush" dégendek bayanlar eskertilgen.

Yerliktin qobul qilidighan yardemchi saqchilarning ayliq ish heqqi 2600 yüen dep békitilgen bolup, buni xitay ölkiliridin qobul qilghan aqtudiki xitay saqchilarning 9 ming yüenlik ish heqqi bilen sélishturghanda asman-zémin perq hasil qilghan.

Toluq bet