Йәнә 15 адәм «тор қанунсизлиқи» сәвәбидин тутқун қилинди

Мухбиримиз үмидвар
2017-11-05
Елхәт
Пикир
Share
Принт

Уйғур елидә йәнә 15 адәм «қанунсиз учур тарқитиш вә қанунсиз син материяллирини сақлаш вә тарқитиш» қилмишлири билән әйиблинип тутқун қилинған.

«Тәңри тағ тори» ниң хәвиридин ашкарилинишичә, уйғур аптоном райони интернет учур башқуруш ишханиси вә аптоном районлуқ җамаәт хәвпсизлик назарити бу нөвәттә 15 қанунсиз учур тарқитиш делосини паш қилғанлиқи вә дело садир қилғучиларниң исимлириниң хитайчә баш хети, миллити, йеши, турушлуқ орни һәмдә тарқатқан учур вә синлириниң мәзмун даирисини елан қилған. 

Мәзкур тутқун қилинған 15 адәмниң 9 нәпири уйғур болуп, қалған 6 кишиниң ичидә бир қазақ вә бир туңган бар. Қалған төт нәпири хитай миллитидин икән.

Уларға артилған қилмишлар ичидә уйғурларниң һәммисигә дегүдәк янфонлири арқилиқ «террорлуқ, зораванлиққа аит үн-синләр вә материяллар сақлиған вә тарқатқан, QQ вә үндидар арқилиқ достлар чәмбирикидә диний әсәбийликкә аит сүрәтләр вә материяллар һәм миллий бөлгүнчиликкә аит сөз-нутуқлар тарқатқан» дегәндәк қилмишлар бар. Қазақ вә туңган тордашму уйғурлар билән охшаш түрдә әйибләнгән, әмма төт нәпәр хитай тор қолланғучисиға болса «сиясий өсәк сөз вә сақта террорлуқ вәқәси учури тарқитиш» қилмишлири артилған. 

Учурлардин мәлум болушичә, йеқинқи вақитлардин буян уйғур дияридики хитай тор назарәт қилиш даирилири илгири-кейин 8 түркүмгә бөлүп, уйғурларни асас қилғанда һалда бир қисим кишиләргә торда қанунсизлиқ қилмиши садир қилиш җинайити артип тутқун қилған. Әмма һазирғичә уларниң көпинчисиниң сотлиниш вә қамақ җазалириға һөкүм қилиниш әһвали һәққидә мәлумат тарқатмиған. Уйғур көзәткүчилириниң ейтишичә, чен чүәнго уйғур диярини идарә қилишқа тәйинләнгәндин тартип; муқимлиқни қоғдаш шоари астида юқири бесимлиқ сиясәтни техиму күчәйткән болуп, интернет вә тор қолланғучилириға болған назарәт техиму ашқанлиқи үчүн кишиләр өзлириниң янфонлири вә үндидар мулазимәтлирини хатирҗәм қоллиналмайдиған вәзийәт шәкилләнгән.

Пикирләр (0)
Share
Толуқ бәт