Хитай ахбарат әркинлики бойичә әң начар дөләтләр қатаридин орун алди

Мухбиримиз ирадә
2019-04-18
Елхәт
Пикир
Share
Принт

Чиграсиз мухбирлар тәшкилати бүгүн һәрқайси дөләтләрниң 2019-йиллиқ ахбарат әркинлики көрсәткүчини елан қилди. Хитай бу йилму дунядики ахбарат әркинлики әң начар дөләтләр қатаридин орун алди.

Мәзкур тәшкилатниң көрситишичә, хитайниң юқири пән-техникиға таянған орвелчә назарәт вә тәқиб асасидики демократийәгә қарши түзүми җиддий диққәт тәләп қилидикән. Чүнки бейҗиң һөкүмити бу түзүмни пүткүл хәлқараға тәшәббус қилмақтикән.

Доклатта мундақ дейилгән: «хитай һөкүмити хитайдики мухбирларни контрол астиға елипла қалмай, хитайдики чәтәллик мухбирларниң хизмәтлиригиму тосалғу пәйда қилмақта. Хитай һазир дуняда өз контроллуқидики ‹йеңичә ахбарат түзүми' шәкилләндүрүшкә урунмақта»

Хитай чиграсиз мухбирлар тәшкилатиниң 2019-йиллиқ көрсәткүчидә дунядики 180 дөләт арисида 177-орунға тизилип, арқидин саниғанда 4-болған.

Хәлқара мухбирларни қоғдаш җәмийити намлиқ йәнә бир тәшкилат бу йил 3-айда елан қилған доклатида уйғур районида 2016-вә 2018-йиллири арисида йәрлик ахбарат-нәшрият орунлирида ишләйдиған аз дегәндә 30 нәпәр тәһрир вә мухбирниң тутқун қилинғанлиқини билдүргән иди.

Хитай һөкүмити йәнә әркин асия радийоси уйғур бөлүминиң 6 нәпәр мухбириниңму юртлиридики уруқ-туғқанлирини лагерға қамаш арқилиқ уларниң америкадики ахбарат хизмитигә тосқунлуқ қилишқа урунмақта.

Пикирләр (0)
Share
Толуқ бәт