Xitay axbarat erkinliki boyiche eng nachar döletler qataridin orun aldi

Muxbirimiz irade
2019-04-18
Élxet
Pikir
Share
Print

Chigrasiz muxbirlar teshkilati bügün herqaysi döletlerning 2019-yilliq axbarat erkinliki körsetküchini élan qildi. Xitay bu yilmu dunyadiki axbarat erkinliki eng nachar döletler qataridin orun aldi.

Mezkur teshkilatning körsitishiche, xitayning yuqiri pen-téxnikigha tayan'ghan orwélche nazaret we teqib asasidiki démokratiyege qarshi tüzümi jiddiy diqqet telep qilidiken. Chünki béyjing hökümiti bu tüzümni pütkül xelq'aragha teshebbus qilmaqtiken.

Doklatta mundaq déyilgen: "Xitay hökümiti xitaydiki muxbirlarni kontrol astigha élipla qalmay, xitaydiki chet'ellik muxbirlarning xizmetlirigimu tosalghu peyda qilmaqta. Xitay hazir dunyada öz kontrolluqidiki 'yéngiche axbarat tüzümi' shekillendürüshke urunmaqta"

Xitay chigrasiz muxbirlar teshkilatining 2019-yilliq körsetküchide dunyadiki 180 dölet arisida 177-orun'gha tizilip, arqidin sanighanda 4-bolghan.

Xelq'ara muxbirlarni qoghdash jem'iyiti namliq yene bir teshkilat bu yil 3-ayda élan qilghan doklatida Uyghur rayonida 2016-we 2018-yilliri arisida yerlik axbarat-neshriyat orunlirida ishleydighan az dégende 30 neper tehrir we muxbirning tutqun qilin'ghanliqini bildürgen idi.

Xitay hökümiti yene erkin asiya radiyosi Uyghur bölümining 6 neper muxbiriningmu yurtliridiki uruq-tughqanlirini lagérgha qamash arqiliq ularning amérikadiki axbarat xizmitige tosqunluq qilishqa urunmaqta.

Toluq bet