"Uyghur herikiti" teshkilati xitayning b d t kishilik hoquq kéngishige qatnishish salahiyitini bikar qilishni telep qildi

Muxbirimiz erkin
2020-07-10
Élxet
Pikir
Share
Print

Amérikadiki "Uyghur herikiti" teshkilati b d t ning xitayning b d t kishilik hoquq kéngishige qatnishish salahiyitini derhal élip tashlashqa, b d t kishilik hoquq kéngishining téz heriketke kélip, Uyghurlargha qaritilghan basturush we wehshiliklerlerning irqiy qirghinchiliqqa aylinishidin burun derhal tedbir qollinishini telep qilghan.

Hindistandiki "Asiya xelqara xewerliri" agéntliqining bildürüshiche, bu chaqiriqni "Uyghur herikiti" teshkilatining ijra'iye diréktori roshen abbas mezkur teshkilatning yéqinda élan qilghan "Sherqiy türkistanda irqiy qirghinchiliq" namliq doklati munasiwiti bilen otturigha qoyghan. 

U "Xitay hükümitining 21-esirde Uyghur xelqighe qiliwatqanlirini tesewwur qilghili bolmaydu. Xelq'ara jem'iyetning tilgha alghushiz bu wehshilikler aldidiki mulayimliqi we hetta sükütte turushini téximu tesewwur qilghili bolmaydu. Bu bir irqiy qirghinchiliq, bu pakitni dawamliq inkar qililiwatqan herqandaq ademning choqum xitayda öz rohini sétishigha seweb bolghan iqtisadi menpe'eti bar" dégen. 

"Uyghur herikiti" teshkilati doklatida "Xitay hökümitining 1. 1 Milyon xitay kadirini Uyghur a'ililirige orunlashturup, ulargha qarita qizil teshqiwat élip barghanliqi, ularni nazaret qilghanliqi, bu jeryanda ularni haraq ichish, choshqa göshi yéyishke ündigenliki, eger ular ret qilsa 'gumanliq' dep qarilip, lagérlargha ewetilgenliki" ni ilgiri sürgen. Roshen abbasning tekitlishiche, xitayning "Qoshmaq tughqan" siyasiti "Hökümetning qollishidiki keng kölemlik basqunchiliqni keltürüp chiqarghan" iken.

Toluq bet