Kishilik hoquqni közitish teshkilati: "B d t (Uyghurlarning) kishilik hoquqini qoghdashta béyjinggha tiz pükmesliki kérek"

Muxbirimiz erkin
2019-11-15
Élxet
Pikir
Share
Print

Kishilik hoquqni közitish teshkilati 14‏-noyabir küni maqale élan qilip, b d t kishilik hoquq méxanizmining (Uyghurlarning) kishilik hoquqini qoghdashta béyjinggha tiz pükmesliki kéreklikini tekitligen.

Mezkur teshkilatning asiya ishliri dériktori sofiye richardsonning namida élan qilin'ghan maqalide b d t mutexessislirining yéqinda xitaygha yollighan Uyghurlar heqqidiki bahalash doklati analiz qilin'ghan. Uningda "Bu doklatta xitayning shinjangdiki kemsitish qilmishlirining téximu köp tepsilatlirining otturigha chiqqanliqi shundaqla xelq'ara naraziliqning téximu küchiyip, xitayning téximu köp riqabetke duch kéliwatqanliqini namayan qilin'ghanliqi" ni bildürgen.

Yéqinda b d t kishilik hoquq kéngishidiki bezi mutexessisler guruppisi1‏-noyabir küni xitaygha doklat yollap, uning Uyghur aptonom rayonida ijra qiliniwtqan "Térrorluqqa qarshi turush qanuni" ni tenqidligen. Doklatta xitayning "Qanunsiz tutqun qilish, Uyghur kimlikini jinayetleshtürüsh we zorawanliq tüsidiki nazaret tedbirliri" ge qarita endishilirini ipadiligen idi. 

Sofiye richardsonning qeyt qilishiche, b d t mutexessislirining doklatida xitayning térrorluqqa qarshi turush qanuni heqqide mislisiz we kishini chöchüterlik bayanlar bar bolup, "Uningda xitayning bu qanun arqiliq özining shinjangdiki négizlik kishilik hoquq we erkinlikke xilapliq qilish herikitini heqliq chiqirishqa uruniwatqanliqi körsitip bérilgen" iken.

"Xitayning shinjangdiki siyasitige qarita b d t ning mislisiz tenqidi" serlewhilik bu maqalide yene mundaq déyilgen: "Mutexessisler (xitayning) 'térrorluqqa qarshi turush qanuni xelq'ara kishilik hoquq ölchemlirige xilap dégen xulasini chiqiripla qalmay, bu siyasetning tesirige uchrighanlarning heq-hoquqi derhal eslige keltürülüshi kérek' dégen xulasigha keldi," déyilgen.

Toluq bet