Xitayning 2022-yilliq qishliq olimpik musabiqisini ötküzüshige qarshi qol qoyush herikiti qollashqa érishti

Muxbirimiz irade
2019-12-05
Élxet
Pikir
Share
Print

Xitay hökümitining Uyghur élide yolgha qoyghan yighiwélish lagérlirigha qarshi turush üchün uning 2022-yilliq qishliq olimpik musabiqisini ötküzüshige qarshi turush chaqiriqliri kücheymekte.

Dunyaning herqaysi jayliridiki yash Uyghur pa'aliyetchilirining ortaq heriketke kélishi bilen "Özgirish" namliq tor bette "Hoquq bolmisa, olimpik musabiqisimu bolmaydu" mawzuluq imza qoyush herikiti bashlan'ghan idi.

5-Dékabir küni bu imza qoyush herikitige qol qoyghanlar sani 27 mingdin ashqan bolup, 35 ming kishilik nishan'gha yétishke az qalghan.

Mezkur qol qoyush herikitining chaqiriqi Uyghur, in'gliz, xitay, türk, yaponche we hindonéziyechidin ibaret 6 xil tilda élan qilin'ghan. Chaqiriqta munular déyilgen:

"Olimpik tenheriket yighinining rohi bolsa eng négizlik bolghan exlaq prinsiplirigha yol qoyush we hörmet qilish, tenterbiye heriketlirini insanlarning tinch halda birlikte tereqqiy qilishini ilgiri sürüshke xizmet qildurup, insanlarning hoquqini qoghdaydighan barawer jem'iyet berpa qilishni ilgiri sürüshtür. . . Eger xitay jaza lagérlirini 2022-yilighiche dawam qildursa, undaqta béyjingning héchqandaq olimpik tenheriket yighini ötküzüsh hoquqi bolmaydu. Biyjingning tallishi nahayiti asan: yaki nechche yüzligen jaza lagérlirini taqishi kérek yaki olimpik tenheriket yighini ötküzüshtin waz kéchishi kérek".

Amérika jumhuriyetchi kéngesh palata ezasi rik skotmu, xitayning kishilik hoquq depsendichiliki we amérika döletlik waskétbol jem'iyiti NBA gha tutqun mu'amilisi seweblik 2022‏-yilliq qishliq olimpik musabiqisini ötküzüsh heqqining bikar qilinishi kéreklikini bildürgen idi.

"Amérika kesipler instituti" tetqiqat merkizining tetqiqatchisi maykil mazza 2-dékabir küni "Los anjélis waqti" gézitide maqale élan qilip "Eger amérika xitayni ghelibilik halda shinjangdiki siyasetlirini yumshitishqa köndürimen, deydiken u halda ular shi jinpingni biwasite nishan'gha élip, béyjingning 2022-yilliq qishliq olimpik musabiqisi ötküzüsh mesilisini kozir qilish arqiliq béyjinggha bésim ishlitishi kérek" dégen.

Toluq bet