Bingtu'enning Uyghur aptonom rayonida künséri zoriyiwatqan herbiy we iqtisadiy küchi diqqet qozghimaqta

Muxbirimiz qutlan
2017-04-03
Élxet
Pikir
Share
Print

Xitay da'iriliri 31-mart küni échilghan bingtu'en 7-nöwetlik kommunistik partiye qurultiyida ishlepchiqirish-qurulush bingtu'enining Uyghur aptonom rayonida barghanséri zoriyiwatqan herbiy we memuriy küch ikenlikini alahide tekitligen.

2-Aprél küni "Shinjang géziti" mexsus xewer bérip, "Bingtu'enning 2016-yilidiki omumiy ishlepchiqirish qimmitining Uyghur aptonom rayoni iqtisadida 22 pirsentni, yeni beshtin bir ölüshni igiligenliki" ni élan qilghan.

Xewerde yene bingtu'en iqtisadining 2007-yili bilen sélishturghanda yiligha 2.4 Pirsenttin éship barghanliqi, bingtu'en ahalisining iqtisadiy kirimining 3 hesse ashqanliqini, 66 pirsent ahalisining sheherleshkenliki we jenubtiki 4 déwiziyede 4 sheher qurulghanliqi alahide tilgha élin'ghan.

Bingtu'enning Uyghur aptonom rayonidiki gheyriy resmiy tereqqiyati xelq'aradiki közetküchilerning diqqitini qozghimaqta. Ular birdek bingtu'endin ibaret bu herbiy we memuriy birlikning yéqinqi yillardin buyan hessilep kücheytilip, Uyghur aptonom rayonining atalmish "Muqimliqi" diki hel qilghuch küchke aylanduruluwatqanliqini ilgiri sürmekte.

Melumki, ishlepchiqirish-qurulush bingtu'eni pütün xitay boyiche peqetla Uyghur aptonom rayonida qep qalghan herbiy, memuriy we karxana birleshtürülgen alahide organ bolup, 1975-yili emeldin qaldurulghan bolsimu, lékin wang jénining teshebbusi, déng shyawpingning küchishi bilen 1982-yili 6-ayda qaytidin eslige keltürülgen.

Yéqinqi yillardin buyan xitay merkiziy hökümiti bingtu'en'ge hessilep meblegh sélip, uning xaraktérini "Shinjangning muqimliqi we ebediy eminlikini saqlashtiki hel qilghuch tayanch küch" dep békitken.

Toluq bet