Bérma herbiy ayropilanliri xitay chégrasi ichide bombardiman qilghan

Muxbirimiz jüme
2015-03-14
Élxet
Pikir
Share
Print


"Washin'gton waqit géziti" ning xewer qilishiche, bérma herbiy ayropilanliri xitay chégrasi ichige uchup kirip, hökümetke qarishi qoralliq küchler yoshurun'ghanliqi ilgiri sürülgen bir öyni bombardiman qilghan.

Mezkur öy yünnen ölkisining xitay - bérma chégrasidiki bir yézisigha jaylashqan bolup, lékin her ikkila terep bombardimanda ölgüchilerning sanini élan qilmighan.

Weqe shahitlirining éytishiche, rusiyede ishlen'gen MiG - 29 tipliq küreshchi ayropilan pes uchup yünnenning mingding yézigha kirgen we bombardiman qilghan.

Xitay terep bayanatchisi xongkong léy bérmining mezkur herikitige étiraz bildürgen.

Ötken bir aydin buyan bérmining xitay chégrasigha jaylashqan kokang rayonidiki qozghilangchilar bérma hökümet armiyisi bilen tutushushini dawam qiliwatqan idi. Bu toqushta nechche minglighan musapir xitay terepke ötüp ketken.

Bérma da'iriliri hökümetke qarishi urush qiliwatqan qozghilangchilarni xitay terepning yoshurun qollap kéliwatqanliqini we ularning musapir qiyapitige kiriwélip xitaygha ötüp qorallinip kéliwatqanliqini ilgiri sürüshken idi.

Halbuki, xitay da'iriliri buni izchil ret qilip kelmekte.

Toluq bet