Biryussélda yüz bergen partlashtin kéyin yawropada qattiq bixeterlik tedbirliri élindi

Muxbirimiz méhriban
2016-03-22
Élxet
Pikir
Share
Print

Shu jay waqti waqti 22-mart, bélgiyening biryussél ayrodromida we yawropa ittipaqining xizmet binaliri jaylashqan rayondiki métro istansisida partlash yüz berdi. 22-Mart chüshtin kéyinki melumatlargha asaslan'ghanda, partlashta 30 nechche kishi ölüp, köp adem yarilan'ghan.

Bélgiye hökümet terep biryussélda yüz bergen 3 qétimliq zenjirsiman partlashni "Térrorluq hujumi" dep békitti, bélgiyede dölet boyiche 3 kün matem tutush uqturulghanliqi xewer qilindi.

BBC Ning xewer qilishiche, "Islam döliti" dep atalghan "Da'ish" bélgiyediki térrorluq hujumigha mes'ul ikenlikini bildürgen.

Biryusséldiki hujumdin kéyin amérika prézidénti barak obama bayanat élan qilip, özlirining bélgiye xelqi bilen birge ikenlikini bildürdi.

Kubada ziyarette boluwatqan obama mundaq dédi: "Biz bigunah kishilerge qaritilghan bu wehshiyane hujumlarni eyibleshte bélgiye xelq bilen bir septe. Biz bu weqeni sadir qilghuchilarni heqqaniyet sotigha tartishta dostimiz we ittipaqdishimiz bélgiyege barliq tirishchanliqlirimiz bilen yardem bérimiz."

Xewerlerdin melum bolushiche, 22-mat küni biryussélda ayropilan seperliri toxtitilghan, paytexttiki métro taqalghan. Yawropa döletliridiki ammiwi mulazimet orunliridimu jiddiy bixeterlik tedbirliri élinip, saqchilar köpeytilgen.

Toluq bet