Xitaydiki bixeterlik kaméralirining sani 2020-yiligha barghanda 626 milyon'gha yetküzülidiken

Muxbirimiz irade
2017-12-14
Élxet
Pikir
Share
Print

Xitaydiki bixeterlik kaméralirining sani 2020-yiligha barghanda 626 milyon'gha yetküzülidiken. B b s agéntliqi qatarliq xelq'ara axbaratlarning xewer qilishiche, xitaydiki chiray tonush we sün'iy eqil iqtidarigha ige bolghan kaméralarning sani 2020-yilighiche, hazirqi 176 milyondin 626 milyon'gha yetküzülidiken.

B b s agéntliqining muxbiri jon sodword xitayning güyyang shehiride bu kaméralarning chiray tonush iqtidarini özi biwasite sinaq qilip baqqan. Uning shu yerlik da'iriler bilen hemkarliship qilghan siniqida uning yüzi "Gumanliq" dep békitilip, signal bergen. Saqchilarning bu chiray tonush iqtidarigha ige kaméralarni ishqa sélip 3 yérim milyon nopusqa ige bu sheherdin uni tépip chiqishigha aran 7 minutla waqit ketken.

B b s ning bu widiyoluq xewiri tarqitilghandin kéyin küchlük diqqet qozghidi. Biraq b b s ning ilgiri sürüshiche, xitay da'iriliri buning jinayetchilerni tutush üchün paydiliqliqini ilgiri sürsimu, emma yene bezi xitay puqraliri hemme yerge ornitilghan bu kaméralarning özini bi'aram qilidighanliqini, xuddi dawamliq özige qadilip turghan bir köz bardek hés qilidighanliqini éytqan.

Uyghur éli xitayning bundaq bixeterlik kaméraliri eng baldur sinaq qilin'ghan jay bolup, xelq'ara kishilik hoquqni közitish teshkilati bu heqte élan qilghan bir doklatida Uyghur élini "Xitay hökümitining teqib we nazaret qilish téxnikilirini sinaq qilidighan tejribixanisi," dep körsetken idi. Bu organning éniqlashlirigha qarighanda, xitay hökümiti béyjing, shangxey qatarliq jaylardiki téxnika shirketlirige meblegh sélip, ular bilen Uyghur élida yuqiri süzüklükke ige kaméralar we körünüshlerni ortaqlishish supisi, awaz ewrishkisi arqiliq perqlendürüsh we köz qarichuqi arqiliq perqlendürüsh sistémilirini ornitishta hemkarlashqanliqi melum bolghan.

Toluq bet