Уйғур боксчи зулпиқар йәнә бир нөвәтлик WBO хәлқаралиқ бокс мусабиқисигә қатнашмақчи

Мухбиримиз меһрибан
2016-11-08
Елхәт
Пикир
Share
Принт

Алдинқи нөвәтлик хәлқара бокс мусабиқисидә «шәрқ алтун кәмири»гә еришкән зулпиқар муһәммәт елиниң 2016-йили 11-айниң 25-күни йәнә бир қетим хәлқара дәриҗилик хәлқаралиқ бокс мусабиқисигә җиддий тәйярлиқ қиливатқанлиқи мәлум болди.

Хитайниң үрүмчи кәчлик гезитиниң хәвиридә дейилишичә, бултур шаңхәйдики «шиңли шиҗя» тәнтәрбийәни омумлаштуруш ширкити билән тохтам имзалап, кәспий бокс һаятини башлиған уйғур боксчи зулпиқар муһәммәт ели 25-ноябир һиндистанниң йеңи деһли шәһиридә өткүзүлидиған хәлқара дәриҗилик бокс мусабиқисидә һиндистанниң 1-номурлуқ бокс маһири вейендер сиң билән мусабиқигә чүшидикән.

Хәвәрдин мәлум болушичә, зулпиқар 1994-йили 6-айниң 25-күни туғулған болуп, әмдила 22 яшқа киргән зулпиқар бирқанчә қетимлиқ хәлқара бокс мусабиқилиригә қатнашқан. Зулпиқар хәлқаралиқ бокс мусабиқисиниң алдинқи нөвәтлик мусабиқисидә танзанийә маһири томас машалини йеңип «шәрқ алтун кәмири» гә еришкән. Һиндистанниң бокс маһири вейендер сиңму хәлқаралиқ бокс мусабиқисиниң «тинч окян алтун кәмири» гә еришкән болуп, нөвәттә хәлқара боксчилар рәт тәртипидә 58-орунда туриду. У 2008-йиллиқ бейҗиң олимпик тәнһәрикәт мусабиқисидә мис медалға еришкән. 2009-Йили хәлқара бокс тәшкилати (AIBA) тәрипидин 75 килограмлиқлар дәриҗисидики йиллиқ катта тәнһәрикәтчи болуп баһаланған.

Пикирләр (0)
Share
Толуқ бәт