Uyghur bokschi zulpiqar yene bir nöwetlik WBO xelq'araliq boks musabiqisige qatnashmaqchi

Muxbirimiz méhriban
2016-11-08
Élxet
Pikir
Share
Print

Aldinqi nöwetlik xelq'ara boks musabiqiside "Sherq altun kemiri"ge érishken zulpiqar muhemmet élining 2016-yili 11-ayning 25-küni yene bir qétim xelq'ara derijilik xelq'araliq boks musabiqisige jiddiy teyyarliq qiliwatqanliqi melum boldi.

Xitayning ürümchi kechlik gézitining xewiride déyilishiche, bultur shangxeydiki "Shingli shijya" tenterbiyeni omumlashturush shirkiti bilen toxtam imzalap, kespiy boks hayatini bashlighan Uyghur bokschi zulpiqar muhemmet éli 25-noyabir hindistanning yéngi déhli shehiride ötküzülidighan xelq'ara derijilik boks musabiqiside hindistanning 1-nomurluq boks mahiri wéyéndér sing bilen musabiqige chüshidiken.

Xewerdin melum bolushiche, zulpiqar 1994-yili 6-ayning 25-küni tughulghan bolup, emdila 22 yashqa kirgen zulpiqar birqanche qétimliq xelq'ara boks musabiqilirige qatnashqan. Zulpiqar xelq'araliq boks musabiqisining aldinqi nöwetlik musabiqiside tanzaniye mahiri tomas mashalini yéngip "Sherq altun kemiri" ge érishken. Hindistanning boks mahiri wéyéndér singmu xelq'araliq boks musabiqisining "Tinch okyan altun kemiri" ge érishken bolup, nöwette xelq'ara bokschilar ret tertipide 58-orunda turidu. U 2008-yilliq béyjing olimpik tenheriket musabiqiside mis médalgha érishken. 2009-Yili xelq'ara boks teshkilati (AIBA) teripidin 75 kilogramliqlar derijisidiki yilliq katta tenheriketchi bolup bahalan'ghan.

Toluq bet