Чеграсиз мухбирлар тәшкилати хитайда тутқун қилинған мухбирларниң әң көплүкини билдүрди

Мухбиримиз әркин
2015-12-15
Елхәт
Пикир
Share
Принт


Мәркизи америкиниң ню-йорк шәһиригә җайлашқан чеграсиз мухбирлар тәшкилати 15- декабир елан қилған 2015- йиллиқ доклатида, « бу йил хитайда тутқун қилинған мухбирларниң сани дуня бойичә 1-орунда туридиған» лиқини билдүрди һәмдә хитай һөкүмитидин түрмидики мухбирларни қоюп беришни, мәтбуат хитай вә пуқралириниң пикир әркинликигә йол қоюшни тәләп қилди.

Әнглийә б б с агентлиқиниң доклаттин нәқил елип хәвәр қилишичә, бу йил 1- январдин, 1- декабирғичә пүткүл дуня бойичә 199 нәпәр мухбир түрмигә қамалған. Буниң ичидә пәқәт хитай түрмисидики мухбирларниң сани49 нәпәргә йетип, хитай бу йил түрмигә қамалған мухбирлар сани әң көп дөләткә айланған.

Буларниң ичидә мисир 2-орунда туридиған болуп, мисирда 23 мухбир тутқун қилинған. 3-Орунда турған иранниң түрмисидики мухбирлар сани 19 нәпәргә йәткән.

Чеграсиз мухбирлар тәшкилатиниң доклатида йәнә, бу йил тутқун қилинған мухбирлар ичидә 153 нәпириниң һәрқайси дөләт һөкүмәтлири тәрипидин тутқун қилинғанлар икәнлики, ирақ вә сүрийәдики уруш районида гөрүгә еливелинған мухбирларниң 54 нәпәр икәнлики әскәртилгән.

Пикирләр (0)
Share
Толуқ бәт