Yéngi zélandiye zeytun top cholpini xitayning Uyghurlargha tutqan mu'amilisini tenqid qildi

2020-02-03
Élxet
Pikir
Share
Print

Yéngi zélandiye zeytun top cholpini soniy bil wilyamis "Skay xewerliri" qanilining ziyaritini qobul qilip, xitayning Uyghur musulmanlirigha tutqan mu'amilisini tenqid qilghan. Bu soniy bil wilyamisning tunji qétim bir xewer qanilida xitayning Uyghurlargha tutqan mu'amilisini ochuq-ashkara tenqid qilishidur.

U ötken yili 12‏-ayda gérmaniyelik putbol cholpini mes'ut özilning ijtima'iy taratqularda élan qilghan Uyghurlar heqqidiki sözini qollap, zor ghulghula qozghighan idi. Soniy wilyams 2‏-féwral küni "Skay xewerliri" ge qilghan sözide "Xitaydiki aka-singilliri" ning özining uzun yilliq izchil qollighuchisi ikenlikini tekitlep, "Ular shu jaydiki tutqunlar lagérlirida yatmaqta we köngül ilishqudek naheqsizlikke uchrimaqta," dégen.

U yene "Manga nisbeten men peqet özüm bilgen heqiqetni sözlidim. Bezide men xatalishishim mumkin, emma bu mesilide men qet'iy xatalashmighanliqimni bilimen," dégen.

Soniy bil wilyams ötken qétim mes'ut özilni qollighanda xitayning yéngi zélandiyediki elchixanisi uning Uyghurlar mesiliside "Saxta xewerler" ning azdurushigha uchrap ketkenlikini ilgiri sürgen idi. Lékin soniy bil wilyams "Skay xewerliri" de mundaq dégen: "Meyli kishilerning chetke qéqishigha uchrang yaki uchrimang, bezide sizning heqiqetni sözlishingizge toghra kélidu. . . Men da'im özüm üchün emes, belki toghra dep hés qilghan nersiler üchün des turup keldim. Bu da'im shundaq bolup keldi."

Gérmaniyelik putbol cholpini mes'ut özil ötken yili Uyghurlarni qollighandin kéyin xitay uninggha qarita bezi öch élish xaraktérlik tedbirlirini qollan'ghan idi. Lékin soniy wilyamas "Sikay xewerliri" ge özining bundaq tehditlerdin qorqup qalmaydighanliqini bildürüp, "Bir tenterbiyechi bolush süpitim bilen bu xil weziyetke men yéterlik awaz chiqiralmidim déyishtin xijalet bolidighan boldum."

Toluq bet